بغلان مرکزی پلخمری شهری نینگ نساجی سوو توغانی‌نی بیرقطار بولیمی تخریب بولگنی سبب، برق تولید قیلووچی ایکی توربین بوزیلگن.
بغلان ولایتی بوییچه برشنا شرکتی باشلیغی عبدالاول پناه نینگ ایتیشیچه، اوشبو ایکی توربین نینگ بوزیلگنی سبب، بو ولایتده تولید ایتیله‌دیگن برق ۶ میگاوات کمه‌یگن.
شونینگدیک، بغلان یشاوچی‌لریدن بیرقطاری نینگ ایتیشلریچه، مذکور توربین لرنینگ بوزیلگنی سبب، برق کم‌لیگی بیلن دوچ کیلگن‌لر. اولرنینگ ایتیشلریچه، اوشبو ولایتده برق پرچاوی کوپه‌یگن و اهالی کوپینچه قیینچیلیک بیلن روپه‌ره بولگن.
عین‌حالده، بغلان ولایتی بوییچه سوونی تنظیم قیلیش اداره مسوولی محمدآصف رحیمی نینگ ایتیشیچه، مذکور تخریب بولگن سوو توغانی نینگ ترمیم قیلیش پروژه‌سی ۲۱ میلیون افغانی هزینه بیلن کیله‌سی بیر آی جریانیده یکونلنه‌دی.
شونینگدیک، بغلان حاکمی محمداکبر بارکزی نینگ ایتیشیچه، اوشبو سوو توغانی ترمیم ایتیلیشی بیلن ایکینچی‌لر برابریده بولگن قیین‌چیلیکلر حل ایتیله‌دی.
برشنا شرکتی مسوول‌لری نینگ ایتیشلریچه، برق تولید قیله‌دیگن بیرینچی سوو توغان تیزلیککه ترمیم ایتیلمه‌گن صورتده، پلخمری شهریده کمیده ۶ مینگ عایله برق کم‌لیگی بیلن روپه‌ره بوله‌دیلر.
