سابق حکومت بیرقطار ایشلاوچیلری و بیلیم یورتلر اوقیتووچیلری نینگ ایتیشلریچه، اسلامی امارت مسووللری اولردن ایشلریگه حاضر بولیشلرینی سورهگن، لیکن حقوقلری کمهیتیریلگنیدن خبر بیرگنلر.
اوقیتووچیلر و دولت ایشلاوچیلری نینگ ایتیشلریچه، اسلامی امارت اولرنینگ ایشلریگه قرشی ینگی قانونلرینی وضح قیلگن.
بیزلرنینگ فیسبوک صحیفهمیزگه باش اورینگ!
وزارت خانهلردن بیری نینگ ایشلاوچیسی مومند نینگ ایتیشیچه، اسلامی امارت ینگی قراریگه کوره، آیلیک حقوقی ۲۲ مینگ افغانیدن ۶ مینگ افغانیگه کمهیگن.
اونینگ کوپهیتیریشیچه، آیلیک حقوقلری کمهیتیریلگنی چیککهسیده، حقوقلری نیچه آیدن سونگ بیریلیشی ایتیلگن.
کابل بیلیم یورتی اوقیتووچیلریدن بیری عبیدالله نینگ سلاموطندارگه ایتیشیچه، عالی اوقوو وزیرلیگی مسووللری اولردن ایشگه حاضر بولیشلرینی ایستهگن، لیکن حقوقلری ۵ مینگ افغانیگه کمهیتیریلگنی ایتیلگن.
اونینگ ایتیشیچه، عیال اوقیتووچیلرگه بیلیم یورتلرگه کیریش اوچون رخصت بیریلمهگن.
شونینگدیک، بلخ بیلیم یورتی اوقیتووچیلری نینگ ادعا قیلیشلریچه، بو ریجه عملگه آشیریلگن صورتده، تدریسنی توختهتیب باشقه ایشلرنی انجام بیریشگه مجبور بولهدیلر.
بیزلرنینگ فیسبوک صحیفهمیزگه باش اورینگ!
بیلیم یورت اوقیتووچیلری و دولت ایشلاوچیلری نینگ ایتیشلریچه، ییگولیک ماده بهاسی کابل و باشقه شهرلرده سابقهسیز شکلده یوقاری کیتگن بیرحالده، آیلیک حقوقلری کمهیتیریلگن.