اسلام امیرلیگی فواید عامه وزیرلیگی، سوو تاشقینلر یوز بیرگنی عاقبتیده سالنگ قتناو یولینینگ ترافیک یوزیگه وقتینچهلیک شکلده یاپیلگنینی معلوم قیلگن.
فواید عامه وزیرلیگی سوزلاوچیسی محمداشرف حقشناسنینگ بوگون (۱-جوزا، جمعه)، اکس صحیفهسیده یازیشیچه، مذکور قتناو یول شمالی سالنگده سوو تاشقینی یوز بیرگنی و کوچلی یاغینگرچیلیک سبب، یاپیلگن.
جناب حقشناس، یشاوچیلردن بو وزیرلیکنینگ کیینگی معلوماتیگچه سالنگلر یولیدن اوتیب-قیتمسلیکلرینی سورهگن.
سالنگ قتناو یولی، اینگ مهم ترانزیتی یوللردن بیری بولیب، افغانستان شمال و جنوبی نی بیر-بیریگه باغلهیدی و یاغینگرچیلیک موسوملری و قیشده قار یاغیش و سوو تاشقینلری سبب، دایم یاپیلیش و باریب-کیلیش چیکلاولری بیلن روپهره بولهدی.
