بدخشان ولایتی محلی مسئوللری، اوشبو ولایتنینگ کوفآب تومنیده قار کوچیشی عاقبتیده ۴ کیشی اولگنینی معلوم قیلدیلر.
بدخشان امنیه قوماندانلیگی سوزلاوچیسی احسانالله کامگار گه کوره، اوشبو کیشیلر ایشلش اوچون راغستان تومنیگه باریش پیتیده، کوفآب و راغستان تومنلری آرهلیغیده «آقوبه شاله» حدودیده قار کوچیشی نتیجهسیده قملیب و اولگنلر.
کامگار جنابلری، بو واقعه اوچ کون اول یوز بیرگن و قربانلرنینگ جسدلری بوگون (۲ ثور/۲۲ اپریل، چهارشنبه) قار آستیدن چیقریلگنینی ایتگن.
معلوماتلر گه کوره، واقعه طفیلی اولگنلرنینگ جسدلری عایله اعضالری گه تاپشیریلگن.
بدخشان افغانستاننینگ تاغلی ولایتلریدن حسابلنهدی، هر ییلی قیش موسومیده طبیعی آفتلر اینیقسه قار کوچیشی گواهی بولهدی.
