بدخشان طبیعی آفت‌لرنی باشقریش ریاست مسئوللری نینگ ایتیشلریچه، اوشبو ولایت نینگ برچه منطقه‌لریده کوچلی قار یاغیشی باعث ولایت مرکزی فیض‌آباد شهری بیلن توقیز تومن نینگ قتناو یولی یاپیلگن.
بدخشان طبیعی آفت‌لرنی باشقریش ریاستی نینگ حادثه‌لرنی باشقریش آمری محمد کامگار نینگ سلام‌وطندار گه ایتیشیچه، مذکور ولایت نینگ اوزاق تومن‌لری ده همان قار یاغماقده و نسی، شکی، کوف‌آب، خواهان، مایمی، یاوان، راغستان، کوهستان و شغنان تومن‌لری نینگ قتناو یوللری یاپیلگن.
بیزلرنینگ فیسبوک صحیفه‌میزگه باش اورینگ!
اونگه کوره، اوشبو تومن‌لرده قار یاغیشی باعث قتناو یوللر نینگ تازه‌لش جریانینی قیین‌لشترگن.
باشقه تاماندن بدخشان اوزاق تومن‌لری اهالیسی دن بیرقطاری نینگ ایتیشلریچه، ایکی کوندن بیری کوچلی شکلده قار یاغماقده و قتناو یوللر نه‌فقط مرکز بلکه قوشنی تومن‌لر بیلن هم توسیلگن.
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، هر ییلی قیش موسومی ده کوچلی قار یاغیشی باعث بدخشان ولایتی اوزاق تومن‌لری نینگ قتناو یوللری مرکز بیلن یاپیلیب و اوشبو تومن یشاوچیلری نینگ ایریم قیینچیلیک بیلن روپه‌ره قیله‌دی.
