بدخشان ده پنج‌شنبه کیچه، ۲۰ دلو، کوچلی قار یاغیشی باعث اوشبو ولایت مرکزی بیلن راغ‌ها، دروازها، شغنان و واخان تومن‌لری نینگ قتناو یولری یاپیلگن.
مذکور تومن‌لر نینگ یشاوچیلریدن قطاری گه کوره، کوچلی قار یاغیشی و قار کوچکیسی سبب قتناو یوللر یاپیلگن.
بیزلرنینگ فیسبوک صحیفه‌میزگه باش اورینگ!
بدخشان یشاوچیلری اوشبو تومن‌لر نینگ قتناو یوللری یاپیلیشیدن خواطر بیلدیریب و محلی مسئوللردن قتناو یوللرنی آچیش خصوصیده دقت قیلیش‌لرینی طلب قیله‌دی.
بدخشان معلومات و مدنیت باشلیغی معزالدین احمدی نینگ سلام‌وطندار گه ایتیشیچه، قار یاغیشی باعث بدخشان مرکزی فیض‌آباد بیلن قطار تومن‌لر اینیقسه راغ‌ها، دروازها، شغنان و واخان تومن‌لری نینگ قتناو یوللری یاپیلگن.
اونگه کوره، راغستان تومنیده قار کوچکیسی سبب اوشبو تومن قتناو یولی یاپیلگن.
بدخشان معلومات و مدنیت باشلیغی نینگ کوپه‌یتیریشیچه، نیچه کون آلدین اوشبو تومن ده قار کوچکیسی سبب اوچ کیشی هلاک بولیب و باشقه اوچ کیشی یره‌لنگن ایدی.
بیزلرنینگ توییترده هم تعقیب قیلینگ!
قوتقرو تیم‌لری یوللرنی آچیش مقصدیده سعی‌وحرکت قیلماقده دیدی بدخشان معلومات و مدنیت باشلیغی معزالدین احمدی.
ایتیش کیره‌ک که، شنبه کونی، ۱۸ دلو، افغانستان هواشناسلیک ریاستی مملکت نینگ ۲۷ ولایتیده احتمالی قار و یامغیر یاغیشیدن آگاه‌لنتیرگن ایدی.
