دایکندی عامه منفعت ریاست مسئوللری نینگ ایتیشلریچه، دایکندی_بامیان قتناو یولی کوچلی قار و بوران طفیلی ترافیک یوزی گه یاپیلگن.
مذکور ریاست سرپرستی لعل‌محمد یوسفی نینگ سلام‌وطندار گه ایتیشیچه، دایکندی ولایتی میر امور تومنی و بامیان ولایتی ورس تومنی آره‌لیغیده «قوناق» کوتلی ده کوچلی قار یاغیشی و بوران باعث بوگون توش دن کیین (جمعه، ۱۴ دلو) ترافیک یوزی گه یاپیلگن. اوشبو کوتل دایکندی نی بامیان و کیین ایسه کابل گه باغله‌یدی.
بیزلرنینگ فیسبوک صحیفه‌میزگه باش اورینگ!
دایکندی عامه منفعت ریاست سرپرستی گه کوره، اوشبو کوتل ده یولاوچی تاشووچی بیر موتر نیچه یولاوچیسی بیلن بند قالگن و مذکور ریاست نینگ قارنی تازه‌لش تیمی یول‌نی آچیش مقصدیده سعی‌وحرکت قیلماقده‌لر؛ بیراق کوچلی قار یاغیشی و بوران اوشبو تیم نینگ ایشلرینی قیینلشتیرگن.
شو بیلن بیرگه، بامیان ولایتیده‌گی محلی منبع‌لر، قوناق کوتلی ده دایکندی_بامیان قتناو یولی یاپیلیشینی تصدیقلب ایتیشلریچه، «شاتو» کوتلی دایکندی همده بامیان ولایتی ورس و پنجاب تومن‌لرینی اوشبو ولایت مرکزی بیلن باغله‌یدی، ایکی کوندن بویان یاپیق دیر.
بیزلرنینگ توییترده هم تعقیب قیلینگ!
باشقه تاماندن، بامیان عامه منفعت ریاستی فیسبوک صحیفه‌سیده ترقه‌تگن بیانیه‌سیده، پنجاب، ورس تومن‌لری و بامیان_دایکندی قتناو یولی یاپیلیشینی تصدیقله‌گن. بیانیه اساسیده، بامیان عامه مفعت ریاستی نینگ قارنی تازه‌لش ایشلاوچیلری اوشبو یول نی تازه‌لش مقصدیده سعی‌وحرکت قیلماقده‌لر.
