غور_کابل قتناو یولی موتر هیداوچیلریدن بیرقطاری و غور مسئوللری، اوشبو یول ده عیاللر و باله‌لر شامل ۱۵۰ یولاوچی بند قالگنیدن خبر بیره‌دیلر.
اولر نینگ ایتیشلریچه، قریب بیر هفته دن بویان کوچلی قار یاغیشی باعث، غور نینگ آلتی تومنی شامل، غور_کابل قتناو یولی مسافرلر یوزی گه یاپیلگن.
غور یشاوچیلریدن عبدالغفور نینگ ایتیشیچه: «کابل_غور قتناو یولی ده قریب ۱۲ موتر بند قالگن، یولاوچیلر آره‌سیده کسل‌لر، باله‌لر و عیاللر شامل دیر. بوتوغریده دقت قیلینمه‌گن حالده، کسل بولگن کیشی‌لر اوز جان‌لرینی قولدن بیریش‌لری ممکن.»
بیزلرنینگ فیسبوک صحیفه‌میزگه باش اورینگ!
غور یشاوچیلریدن باشقه بیری نجم‌الدین نینگ گه کوره: «غور_کابل قتناو یولی کوچلی قار باعث بوتونلی یاپیله‌دی، بیز دولت دن یوللرنی قاردن تازه‌لش خصوصیده دقت قیلیشینی ایسته‌یمیز.»
غور_کابل قتناو یولی موتر هیداوچیلریدن قطاری نینگ ایتیشلریچه، بکک کوتلی ده کوچلی قار و بوران باعث برچه هیداوچیلر اوز یولاوچیلرینی مقصد گه ییتکیزه آلمه‌گن و قریب بیر هفته دن بویان بامیان ولایتی نینگ یکاولنگ تومنیده، اوشبو یول آچیلیشینی کوتماقده‌لر.
غور_کابل قتناو یول هیداوچیلریدن فیروز گه کوره: «بوران بوله‌دی، هیچ کیم یولنی تازه لمه‌یدی، ۷-۶ کوندن بویان یول بند دیر؛ بکک کوتلی ده قار یاغسه هیچ تازه لنمه‌یدی. موتر اوچون قسمی تازه‌لشسه هم موترلر بند قاله‌دی یا کورمیل سیندیره‌دی یا ده تیل خلاص قیله‌دی. ینه هم یولاوچی و موتر هیداوچیلر ملامت دیر، دولت دن بوتوغریده دقت قیلیشینی طلب قیله‌میز.»
عین‌حالده، غور زمینی ترانسپورت آمری ضیاءالحق جندالله نینگ گه کوره، اوشبو ولایت نینگ مرکزی بیلن غربی آلتی تومن قتناو یوللری، غور_کابل قتناو یولی، یولاوچیلر یوزی گه یاپیلگن.
بیزلرنینگ توییترده هم تعقیب قیلینگ!
جناب جندالله گه کوره، غور زمینی ترانسپورت آمریتی، بامیان وغور عامه منفعت ریاست مسئوللری اویغون‌لیگی بیلن، یولنی آچیش و یولاوچیلرنی انتقال بیریش اوچون سعی و حرکت قیلماقده‌لر.
اونینگ کوپه‌یتیریشیچه: «غور ولایتی آلتی تومنی نینگ قتناو یولی حاضر بند دیر. غور_کابل قتناو یولیده ۱۰ موتر یولاوچیلری بیلن بند قالگن. اول سرک‌لرنی تازه‌لش اوچون قرارداد بولگن یوق ایدی حاضر قرارداد بولگن ایشله‌ماقده دیر.»
غور_کابل قتناو یولی و بامیان_غور آره‌لیغیده ییرلشگن بکک کوتلی قیین یوللردن دیر، قار یاققن حالده اوشبو یول یولاوچیلر یوزی گه یاپیله‌دی.
