غور ده بیر عایله نینگ ۴۰ اعضاسی اعتراض بیلدیریشگن. اولرنینگ ایتیش‌لریچه، کمیده ۲۰ آی آلدین طالبان گروهی عایله‌لری نینگ ایرکک‌لرینی دولتدن حمایت قیلیش عیبلاوی بیلن اولدیرگن. بو عایله عیاللری نینگ ایتیش‌لریچه، حاضر فرزندلری بیلن یمان وضعیتده حیات کیچیرماقده‌لر. مذکور عایله اعضالری دولت دن عاجل یاردم و باله‌لریگه تعلیم و تربیه‌لنیش شرایطی برابر قیلیشی نی سوره‌شگن.
حواگل بیر ییل و نیچه آیدن بویان عایله‌سی نینگ ۴۰ اعضاسیدن سرپرست‌لیک قیلماقده. او بوگون (شنبه ۲۵- دلو) ایرته‌لب نیبره‌لری بیلن غور حاکمی نینگ دفتری برابریده توپلنگن. حواگل نینگ ایتیشیچه، دولت حاضرگچه اولرنینگ وضعیتی گه هیچ قنده‌ی توجه قیلمه‌گن.
آته‌سی و اوچ آبه‌سی طالبان آرقه‌لی اولدیریلگن احمدضیا ناملی باله، دولتدن تعلیم و تربیه‌لنیش فرصتی برابر قیلیشی نی سوره‌یدی. او طالبان گروهیدن باشقه باله‌لرنی یتیم قیلمه‌سلیک‌لرنی ایسته‌گن.
غور حاکمی سوزلاوچیسی محمدعارف عابر نینگ ایتیشیچه، محلی اداره بو عایله نینگ عریضه‌لرینی یاردم بیرووچی نهادلرگه یوبارگن و شونینگدیک بو عایله باله‌لریگه تعلیم و تربیه‌لنیش زمینه‌سی فراهم ایتیلیشی اوچون سعی و حرکت قیلینماقده.
اونینگ کوپه‌یتیریشیچه، ولایت حاکمی بو ولایت ایش و اجتماعی ایشلر وزیرلیگی گه مذکور عایله باله‌لری نینگ بو اداره تربیه‌لنیش مرکزی گه جذب قیلیش اوچون بویروغ بیرگن.
