بوگون “یکشنبه” غور یشاوچی‌لریدن یوزلرچه‌سی بیر اعتراض آرقه‌لی، اوشبو ولایت حاکمی نورمحمد کوهنورد نینگ مدیریت‌سیزلیک و اهالی آره‌سیده نفاق تشلش‌گه عیب‌لگنلر. اولرنینگ ایتیش‌لریچه، جناب کوهنورد، بو ولایتده حاکم صفتیده تعیین‌لنگنیدن سونگ، ناتینچلیکلر کوپه‌یگن.
اعتراضچی‌لر، غور ولایت بناسی نینگ کیریش دروازه‌سینی باغلب و بو ولایت حاکمی نینگ ایشدن آلینیشی‌نی سوره‌گنلر.
اولرنینگ آگاه‌لنتیریش‌لریچه، ایستکلریگه دقت بولمه‌گن صورتده، اعتراض‌لریگه دوام بیره‌دیلر.
اعتراضچی‌لرنینگ بیر شرطنامه نشر قیلیب ایتیش‌لریچه، غور حاکمی غور-هرات قتناو یولی‌نی آچیش و اهالی خوفسیزلیگی‌نی تامین‌لش اوچون هیچ قنده‌ی سعی و حرکت قیلمه‌گن و یالغیز اهالی آره‌سیده نفاق ایجاد قیلگن.
اولر، مرکزی حکومتدن جناب کوهنورد نی چیکلنتیریب و اورنیده مدبیر بیر کیشی یوباریشی‌نی سوره‌گنلر.
بیراق، غور حاکمی نورمحمد کوهنورد، اوشبو ولایت یشاوچی‌لری نینگ اعتراض‌لرینی قومی جنجل‌لرگه تیگیشلی عنوان قیلیب و دشمن اهالی‌دن فایده‌لنیش بیلن آهنگران منطقه‌سیده عملیات اویوشتیریلیشی‌گه توسیق بولیش‌نی ایسته‌یدی دیگن.
ایتیلیشیچه، ۲ ییلدن بویان غور-هرات قتناو یولی یوک تاشیووچی موترلر یوزیگه باغله‌نیب و ناتینچلیکلر اوشبو ولایت مرکزی فیروزکوه شهری نینگ اطرافی‌گه‌قدر کیلگن.
