بوگون (دوشنبه، ۹ عقرب) خاتین قیزلردن بیر قطاری، کابل شهر نو پارکی ده توپله‌نیب، دولت اداره‌لریدن عیاللر چیتلنتیریلیشی گه دایر ناراضی‌لیک بیلدیردیلر.
اعتراضچیلردن مرغلی فقیرزی نینگ ایتیشیچه، او بوندن آلدین ایچکی ایشلر وزیرلیگیده جندر ایش بیلرمانی ایدی و اوشبو وزیرلیکده خاتین قیزلر بولیمیده یخشی یوتوق‌لر گه ایگه دیر.
اونگه کوره، بیش فرزند آنه‌سی دیر و عایله‌سیده هیچ سرپرستی یوق.
خانم فقیرزی نینگ کوپه‌یتیریشیچه، اجاره اوی ده حیات کیچیرماقده، ایش‌سیزلیک باعث، اقتصادی ایریم قیینیچلیکلر بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
مرغلی فقیرزی نینگ ایتیشیچه: «مین ایچکی ایشلر وزیرلیگیده ایش بیلرمان ایدیم و خاتین قیزلر بولیمیده یخشی یوتوق‌لر گه ایگه‌من، اسلامی امارت حاکمیتیدن کیین برچه عیاللر ایشدن بوشه‌تیلدی. بیش فرزندیم بار و سرپرستیمیز یوق و بیکارلیک دن عذاب چیکه‌من.»
اعتراضچیلردن باشقه بیری الهه طارق گه کوره، او و تورموش اورتاغی ایش‌سیز دیر و قشاق‌لیک باعث اوتگن بیر ییل ده، ایریم قیینچیلیکلر بیلن روپه‌ره بولگنلر.
الهه نینگ ایتیشیچه: «اوزیم و تورموش اورتاغیم ایش‌سیز میز، ماستر من و اقتصادی قیینچیلیک بیلن روپه‌ره میز، دنیا همجمعیتدن عیاللر گه ایش زمینه‌سینی یره‌تیشنی ایسته‌یمن.»
اوشبو ناراضی‌لیک همایش ده اشتراک ایتگنلردن باشقه بیری ذکیه سعادت گه کوره، اسلامی امارت حاکمیتیدن کیین بیکار بولگن و حاضر تورلی‌خیل قیینچیلیکلر بیلن روپه‌ره دیر.
بیزلرنینگ توییترده هم تعقیب قیلینگ!
او دنیا جماعه‌چیلیگیدن، افغانستان ده خاتین قیزلر گه ایش زمینه‌سینی یره‌تیشنی طلب قیله‌دی.
ذکیه سعادت گه کوره: «بو ییرده ییغیلیشیمیزدن اصلی مقصد، اوتگن بیر ییل ده عیاللر ایشلریدن بوشه‌تیلدی و بو ییرده خاتین قیزلر نینگ ظرفیتینی کورسه‌تیشنی ایسته‌یمیز و دنیا همجمعیت بیلسین که افغانستان عیاللری ایسدن چیقریلگن، بیز دنیا جماعه‌چیلیگیدن افغانستان ده خاتین قیزلرنی ایش بیلن تأمینلشنی سوره‌یمیز.»
عین‌حالده، جمهوریت تیزیمیده عیاللر کینگ کولمده دولت و خصوصی اداره‌لرده ایشلر ایدیلر؛ بیراق اسلامی امارت حاکمیتنی قولگه آلیشیدن کیین، عیاللر کوپراق دولت اداره‌لریدن چیتلنتیریلگن و مذکور اداره‌لردن تشقری اولر گه ایش شرایطی کمه‌یگن.
