فراه ولایتی محلی مسئوللری، ۱۵ میلیون افغانی عوضی گه اوشبو ولایت‌نینگ قلعه‌کاه تومنی «چاکرته» منطقه‌سی «گل سیاه» حدودی‌ده جایلشگن «توز» کانینی قزیب آلیش باشلنگنیدن خبر بیره‌دیلر.
فراه ولایتی کانلر آمری عبدالستار مسلم‌نینگ ایتیشیچه، مذکور کان‌نی قریب ۱۳ هکتار میدان‌ده قزیب آلیش ایشلری باشلنگن.
مسلم‌نینگ کوپه‌یتیریشیچه، اوشبو کان‌دن ۱۵ مینگ تُن توز قزیب آلینه‌دی و هر بیر تُن‌دن بیر مینگ افغانی حکومت خزینه‌سیگه تولنیله‌دی.
بو توز کانینی قزیب آلیش باشلنیشی بیلن ۸۰-۱۰۰ کیشی مستقیم و نامستقیم طرزده ایش بیلن تأمینلنگنینی قوشیمچه قیله‌دی، فراه ولایتی کانلر آمری عبدالستار مسلم.
