صدای غور رادیوسی نینگ سابق مدیر مسوولی بسم‌الله عادل ایماق و اونینگ عایله اعضالریدن ۳ ته‌سی نینگ قتلی‌نی تیکشیریش اوچون جمهورلیک ریاستی تامانیدن تعیین‌لنگن هیات غور ولایتی‌گه بارگن.
بسم‌الله عادل نینگ اقارب‌لری، او و اولدیریلگن باشقه کیشی‌لرنینگ قانلی کییم‌لرینی جمهورلیک ریاستی تامانیدن یوباریلگن هیات حضوریده آلیب بارگنلر. بسم‌الله عادل نینگ عایله اعضالرینی ایتیش‌لریچه، زوروان کیشی‌لر و طالبان گروهی بسم‌الله عادل و عایله‌سی نینگ باشقه ۳ عضوینی فاجعه‌لی شکلده اولدیریب و بوتون بارلیک‌لرینی اوت بیرگن.
بسم‌الله عادل نینگ آته و عایله اعضاسی بیر اعتراض آرقه‌لی جمهورلیک ریاستی تامانیدن یوباریلگن هیات دن عدالت‌نی تامین قیلیب و قاتل‌لرنی جزالنتیریشی‌نی سوره‌گنلر.
بسم‌الله عادل نینگ آته‌سی گل‌محمد عادل نینگ ایتیشیچه: «سیزلر مین چاره‌سیز پیر مردنی فریادگه ییتیشیش اوچون کیلگن سیزلر، خوش کیلیب سیزلر. بسم‌الله عادل صدای غور رادیوسی نینگ ایشلاوچیسی ایدی، ایکی کیچه اویی نینگ اوستیگه بمب تاشله‌دیلر، اوق آتی‌لر و اونی اولدیردیلر.»
بسم‌الله عادل نینگ ایناغه‌سی حیات‌الله عادل ایتیشیچه: «ایناغه‌لریم یره‌دار دیر، اویی‌میز اوت آلدی، بوتون بارلیکلری‌میز نابود بولدی، تورت تاماندن بیزنینگ اوستیمیزگه اوروش، بیز چاره‌سیز مردم نینگ فریادلریمیزنی ییشیتینگ.»
عین‌حالده، جمهورلیک ریاستی تامانیدن یوباریلگن هیات باشلیغی اجمل بلوچ‌زاده نینگ ایتیشیچه، جناب عادل و عایله اعضاسی نینگ اولدیریلیش قضیه‌سی نینگ تیکشیریلیشی تیزلیک‌که باشلنه‌دی.
صدای غور رادیوسی نینگ سابق مدیر مسوولی بسم‌الله عادل ایماق ۱۲ جدی ده غور مرکزی فیروزکوه شهری نینگ غربی ده ناتانیش قوراللی کیشی‌لر تامانیدن ترور ایتیلدی و شونینگدیک، ۱۰ کون آلدین طالبان گروهی نینگ هجومی سبب، بسم‌الله عادل ایماق نینگ عایله اعضالریدن ۳ ته‌سی هلاک و باشقه ۵ ته‌سی یره‌لنگن.
