غور محلی مسئول‌لری، اوشبو ولایتده خصوصی یاردم بیرووچی مؤسسه‌لر گه قیته‌دن فعالیت قیلیش اجازه‌سی بیریلگنیدن خبر بیرگن‌لر. غور حاکمی سوزلاوچیسی عبدالواحد حماس نینگ سلام‌وطندار گه ایتیشیچه، مذکور ولایت حاکمی احمدشاه دین‌دوست، اوتگن کونی بیرلشگن ملت‌لر تشکیلاتی نینگ اورین باسری بیلن اوتکزگن بیر ییغینده، غورده‌گی خصوصی یاردم بیرووچی مؤسسه‌لر باغله‌نیشی خصوصیده بحث ایتگن.
جناب حماس نینگ کوپه‌یتیریشیچه، غور حاکمی مؤسسه‌لرده‌گی فساد قیینچیلیکلرینی بیرلشگن ملت‌لر تشکیلاتی نینگ اورین باسری بیلن شریک قیلگن. اونگه کوره، بیرلشگن ملت‌لر تشکیلاتی نینگ اورین باسری، غورده‌گی خصوصی یاردم بیرووچی مؤسسه‌لر ایشیده اصلاحات کیریتیش اوچون مذکور ولایت محلی اداره‌سیدن ایکی آی مهلت سوره‌گن.
بیزلرنینگ فیسبوک صحیفه‌میزگه باش اورینگ!
شونینگدیک غور حاکمی نینگ سوزلاوچیسی، مذکور ولایتده خصوصی یاردم بیرووچی مؤسسه‌لر باغله‌نیش سببینی، اوز باشیمچه‌لیک فعالیت‌لری و فساد موجودلیگی عنوان قیلگن. اونینگ تأکیدلشیچه، اوشبو ایکی آی مابینیده مؤسسه‌لرده بولگن فساد باره‌سیده تحقیق بولیب و آلدی آلینه‌دی.
باشقه تاماندن، غور ولایتیده یاردم بیرووچی مؤسسه‌لر متصدی‌لریدن قطاری، آت‌لری سیر قالیش شرطی بیلن ایتیشلریچه، بو ولایت نینگ محلی اداره‌سی اولر گه فعالیت اجازه‌سینی بیرگن بولسه‌ده، لیکن مؤسسه‌لر دفترلری نینگ مرکزی مسئول‌لری، غور محلی اداره‌سی تامانیدن اوز باشیمچه‌لیک شکلده قولگه آلینیش‌لر و ناتوغری عیبلاو باعث، مذکور ولایتده فعالیت‌لری گه دوام بیریش اوچون علاقه‌مند ایمس‌لر.
بیزلرنینگ توییترده هم تعقیب قیلینگ!
غورده‌گی یاردم بیرووچی مؤسسه‌لر مسئول‌لری نینگ اورغولشیچه، اولر حاضرگی قلتیس شرایط‌ده غور یشاوچیلری گه خذمت‌لری گه دوام بیریشنی ایسته‌یدیلر، اولر مؤسسه‌لر دفترلری نینگ مرکزی متصدی‌لری و اوشبو ولایت محلی اداره‌سی کیلیشیب و مؤسسه‌لر گه برنامه‌لرینی عملگه آشیریش اجازه‌سی بیریلیشی گه امید بیلدیره‌دیلر.
