بوگون توشدن کیین غور ولایتی کسلخانه‌سی نینگ داکترلری کسلخانه‌لرگه اصلاحات کیلتیریش پروژه لغو ایتیلیشی گه قرشی ینه بیر مرته اعتراض بیلدیریب و تحصن خیمه‌سی قوریش بیلن بو ولایت ولایتی کسلخانه‌سی نینگ ایشیگی نی باغله‌گنلر.
اولرنینگ ایتیش‌لریچه، بو پروژه لغو ایتیلیشی سلیقوی و ملی منفعت‌لرگه قرشی دیر و شونینگدیک بو ولایتده دارولش خدمت‌لری ترقه‌تیش نی قیینچلیک بیلن روپه‌رو قیلگن.
اولرنینگ آگاه‌لنتیریش‌لریچه، کسلخانه‌لرگه اصلاحات کیلتیریش پروژه قیته باشلنمه‌گن صورتده، تحصن دن قول تارتمه‌دیلر.
غور ولایتی کسلخانه داکترلری بیر قطع‌نامه صادر قیلیش بیلن ایتیش‌لریچه، کسلخانه‌لرگه اصلاحات کیلتیریش پروژه لغو ایتیلگنی باعث بو ولایتده دارولش خدمت‌لری ترقه‌تیلیشی قیینچلیک بیلن روپه‌رو بولیب و شونینگدیک اولرنینگ معاشی ۶۰ فایز کمه‌یگن.
عین حالده، غور ساغلیک ریاست باشلیغی جمعه‌گل یعقوبی نینگ ایتیشیچه، او بو ولایت داکترلری نینگ ایسته‌کلرینی مرکزگه انتقال بیرگن و اولرنینگ قیینچلیک‌لری تیزلیککه حل ایتیلیشی ممکن.
غور ولایتیده ۳ کسلخانه بار کیم بو ولایت یشاوچی‌لریگه ساغلیک خدمتلر ترقته‌دی.
