غور امنیتی منبع‌لری نینگ ایتیش‌لریچه، طالبان جنگریلری نینگ هجومی نتیجه‌سیده، صدای غور رادیوسی نینگ سابق مدیر مسوولی بسم‌الله عادل ایماق نینگ عایله اعضالریدن ۳ ته‌سی هلاک و باشقه ۵ ته‌سی یره‌لنگن.
غور ولایتی نینگ ایکینچی امنیتی حوزه‌سی آمری و مذکور عایله عضوی حیات‌الله عادل نینگ ایتیشیچه، طالبان جنگریلری اوتگن کیچه اولرنینگ مسکونی اویی اوستیگه هجوم قیلگنلر.
جناب عادل نینگ کوپه‌یتیریشیچه، مذکور هجومده بیر ایناغه‌سی، ابه‌سی نینگ اوغلی و ۱۵ یاشر بیر قیز هلاک و باشقه ۵ کیشی یره‌لنگن. اونینگ کوپه‌یتیریشیچه، طالبان جنگریلری هجوم دن سونگ، مسکونی اویلرینی اوت بیرگن.
غور پولیس قومندانی عبدالقادر ولی‌زاده، مذکور هجوم نی تصدیق‌لگن، لیکن کوپراق معلومات بیرمه‌گن.
طالبان گروهی، بو واقعه‌ده قول‌لری بولگنی‌نی رد قیلگن. طالبان سوزلاوچی‌لریدن بیری یوسف احمدی نینگ ایتیشیچه، اوشبو هجوم اولر تامانیدن اویوشتیریلگن ایمس.
صدای غور رادیوسی نینگ سابق مدیر مسوولی بسم‌الله عادل ایماق ایکی آی آلدین ناتانیش قوراللی کیشی‌لر تامانیدن فیروزکوه شهری نینگ «بره‌خانه» منطقه‌سیده ترور قیلینگن ایدی.
