تخار ولایتی نینگ دشت‌قلعه تومنی یشاوچی‌لری ۱۴۰۰- ییل بیرینچی کونی‌نی اوروش و فاجعه بیلن باشله‌گنلر.
تخار پولیس قومندانلیگی سوزلاوچیسی خلیل اسیر نینگ ایتیشیچه، طالبان جنگریلری بوگون “یکشنبه” ایرته‌دن چاغیده، نیچه تاماندن اوشبو ولایت نینگ دشت‌قلعه تومنی اوستیگه هجوم قیلگنلر.
جناب اسیر گه کوره، امنیتی کوچلر و طالبان جنگریلری آره‌سیده یوز بیرگن آتیشمه‌ده ایکی تینچ اهالی هلاک و باشقه ۵ کیشی یره‌لنگن. تخار پولیس قومندانلیگی سوزلاوچیسی نینگ کوپه‌یتیریشیچه، طالبان نینگ هجومی کیینگه اوریلگن و نتیجه‌ده اوشبو گروه جنگری‌لریدن ۲ ته‌سی هلاک و باشقه ۴ ته‌سی یره‌لنگن.
تخار پولیس قومندانلیگی سوزلاوچیسی‌گه کوره، مذکور آتیشمه‌ده ایکی دکان اوت آلیب و بوتون وسایل‌لری نابود بولگن.
طالبان گروهی حاضرگه‌قدر بوتوغریده فکر بیلدیرمه‌گن.
