افغانستان تشقی ایشلر وزیرلیگی، طالبان گروهی نینگ القاعده باشقه تروریستی گروه‌لر بیلن بولگن رابطه‌سی خصوصیده بیرلشگن ملتلر تشکیلانی نینگ سونگی گزارشی‌نی خوش قرشی‌لب و اوشبو تشکیلات و افغانستان نینگ خلق ارا شریک‌لریدن بو گروه نی آتیش‌کیسین قبول قیلیش‌گه مجبور قیلیشینی سوره‌گن.
بوگون “یکشنبه” تشقی ایشلر وزیرلیگی بیر اعلامیه آرقه‌لی، بیرلشگن ملتلر تشکیلاتی و افغانستان شریک‌لریدن طالبان گروهی‌گه هدفلی قتل‌لرنی یکونلنتیریب و تروریستی گروه‌لر بیلن بولگن رابطه‌سینی توخته‌تیب قویش اوچون فشار کیلتیریشینی سوره‌گن.
اعلامیه ده تاکید قیلینیشیچه، طالبان گروهی نینگ سوزلشوولر اوچون زمینه یره‌تیلیشی و سیاسی حل یول تاپیش اوچون آتیش‌کیسینی قبول قیلیب و هدفلی ترورلرنی یکونلتیریب و باشقه تروریسی گروه‌لر بیلن رابطه‌سینی توخته‌تیب قویشی کیره‌ک.
بیرلشگن ملتلر تشکیلاتی نینگ گزارشی‌گه کوره، حاضرده طالبان گروهی نینگ القاعده، داعش و باشقه بیرقطار تروریستی گروه‌لر بیلن کوچلی رابطه‌سی بار و طالبان حاکمیتیده بولگن منطقهلرده «ابومحسن المصری» گه تانیلگن حسام عبدالرووف شامل القاعده نینگ بیرقطار قومندان‌لرینی هلاک ایتیلگنی طالبان نینگ القاعده گروهی بیلن رابطه‌سی بولگنینی اثبات له‌یدی.
انه‌شوحالده، بیرلشگن ملتلر تشکیلاتی نینگ خوفسیزلیک کینگشی‌نی تحلیل و نظارت گروهی، القاعده، داعش و اولرگه تیگیشلی بولگن گروه‌لر و نهادلرنی افغانستانده قرشی کته تهدید عنوان قیلگن.
افغانستان دولتی هردایم آمریکا و طالبان آره‌سیده تینچلیک شرطنامه امضا ایتییلگنیدن سونگ، اوشبو گروه باشقه تروریستی گروه‌لر بیلن رابطه سینی توختمه‌گنینی بیلدیرگن، لیکن طالبان گروهی باشقه تروریستی گروه‌لر بیلن رابطه‌سی بولگنینی رد قیلگن.
