بیر اداره اصلی جایی ده بولیشی، حکومت و دولت‌دارلیک نینگ اساسی رکن‌لریدن بیری سنله‌دی، انیق بیر مکان ده ستندرد تومن بناسی یوق‌لیگی تخار ولایتی دشت‌قلعه تومنی یشاوچیلری نینگ سرگردان بولیش‌لری گه سبب بولگن.
اوشبو تومن یشاوچیلری گه کوره، نیچه ییل دن بیری تومن بناسی یوق و جایی بیللی ایمس‌لیگی اوچون اولر تورلی اداره‌لر گه باش اوریش گه مجبورلر.
دشت‌قلعه تومنی یشاوچیلریدن حمیدالله نینگ سلام‌وطندار گه ایتیشیچه: «دشت‌قلعه تومنی نینگ اولسوالیک بناسی یوق‌لیگی، اساسی قیینچیلیک‌لردن سنله‌دی، اولسوالیککه مراجعت قیلگن حالده ایشلاوچیلری تورلی اداره‌لرده دیر، اولر دن بیرقطاری دریا حوزه‌سی، بلدیه اداره‌سی و باشقه اداره‌لرده دیر، اولسواللیک بناسی یوق‌لیگی اوچون مراجعتچیلر کوپ قیینچیلیک بیلن روپه‌ره دیر.»
بیزلرنینگ فیسبوک صحیفه‌میزگه باش اورینگ!
دشت‌قلعه تومنی اهالیسی گه کوره، اولسواللیک اداره‌سی نینگ بناسی یوق‌لیگی اوچون ایشلرینی قانونی‌لشتیریش مقصدیده نیچه اداره گه باش اوره‌دیلر، ایریم پیت‌لر سرگردان‌لیک اوچون رسمیات یکونلنه‌دی، اولر حکومت مسئوللری دن مذکور تومن اولسواللیک اداره‌سینی قوریشنی سوره‌یدیلر.
اوشبو تومن یشاوچیلریدن گلب‌الدین گه کوره: «تومن بناسی اوروش پیتیده آلاو آلگن ایدی، ۲۰ دقیقه ده بوله‌دیگن ایش، اداره ایشلاوچیلری تورلی اداره‌لرده تقسیم بولگن‌لیگی اوچون تیزلیک بیلن حل بولمه‌یدی، بیرینی آلدی گه بارسم او باشقه‌سینی آلدی گه یوباره‌دی، شونینگدیک رسمیات یکونلنیب و ایشلریمیز ایسه قاله‌دی.»
تخار ولایتی دشت‌قلعه تومنی یشاوچیلریدن باشقه بیری عزیزالله نینگ ایتیشیچه: «اولسواللیککه مراجعت قیله‌دیگنلر کوپ قیینچیلیک بیلن روپه‌ره بوله‌دیلر، دشت‌قلعه تومنی یشاوچیسی اوله‌راق حکومت دن بوتوغریده دقت قیلیشینی ایسته‌یمیز و انیق جای ده تومن بناسینی قوریب و ایشلاوچیلری بیر جای ده توپله‌نیشی کیره‌ک.»
عین‌حالده، تخار ولایتی دشت‌قلعه تومنی محلی مسئوللری، اولسواللیک بناسی یوق‌لیگینی تصدیقلب ایتیشلریچه، اوشبو تومن شکللنیشیدن انچه ییل اوتسه ده، لیکن انیق بناسی بولمه‌ی و ایشلاوچیلری بلدیه و دولت باشقه اداره‌لریده بولینگنلر، محلی مسئوللر گه کوره، بو تومن نینگ بناسی سابق اوروش‌لرده آلاو آلگن و او بنا، بلدیه اداره‌سی گه تیگیشلی دیر.
بیزلرنینگ «ایکس» ترماغی ده هم تعقیب قیلینگ!
دشت‌قلعه تومنی اولسواللیگی نینگ اجرائیه مدیری سیدسرور سیدی نینگ سلام‌وطندار گه ایتیشیچه، اولسواللیک بناسی یوق‌لیگی اوچون بو اداره ایشی سُست بولیب، ایشلاوچیلر و مراجعت‌چیلرنی قیینچیلیک بیلن دوچ قیلگن.
اونگه کوره: «اوی اجاره گه آلیب و خذمت قیلماقده‌میز، تومن ایشلاوچیلر دن اوزاق‌راغ دیر، ایشلش اوچون بولینگن‌میز.»
بوتوغریده، تخار ولایتی رسمی‌لری نینگ فکری-ملاحظه‌سینی اورگه‌نیش اوچون کوپ تلاش قیلدیک، لیکن اولر سوالریمیز گه جواب قیتیرمه‌دیلر.
دشت‌قلعه، تخار ولایتی نینگ شمالی ده جایلشگن تومن‌لردن بولیب و یشاوچیلری کوپراق ایکینچیلیک، چاروه‌چیلیک ایشلر بیلن مصروف دیر.
