ینگی‌لیکده، «شهرک وحدت» آتیده‌گی ییرده جایلشگن قریب ۳۰۰ عایله دن عبارت مهاجر قیشلاق آواره‌لری، ایچیملیک سوولری، ساغلیک و تعلیمی مرکزلری یوق‌لیگیدن شکایت قیله‌دیلر.
شهرک وحدت ده نیچه کوندن بویان یشش اوی قوریش بیلن مصروف رحیم‌الله نینگ ایتیشیچه، اوشبو شهرک ده سوو یوق‌لیگی اولرنی تورلی خیل قیینچیلیک بیلن روپه‌ره قیلگن.
او نینگ کوپه‌یتیریشیچه: «نه قودوق بار و نه هم سووی‌میز، بیر تانکر سوونی ۶۰۰ افغانی ساتیب آله‌میز، ۵ بسوه ییر بیرگن قریب ۳۰۰ کیشی بو ییرده دیر، بیراق هیچ بیریمیزنی سووی‌میز یوق.»
بیزلرنینگ فیسبوک صحیفه‌میزگه باش اورینگ!
شونینگدیک، مهاجر قیشلاق آواره‌لری گه کوره، باله‌لری نینگ تعلیمی اوچون مکتب یوق‌لیگی، اولرنی خواطرینی نیچه برابر آشیرگن.
مهاجر قیشلاق آواره‌لری نماینده‌سی حبیب‌الله نینگ ایتیشیچه، وحدت شهرکی ده مهاجر قیشلاق آواره‌لری جایلشگندن کیین، اولر کلینیک، مکتب و ایچیملیک سوو یوق‌لیگیدن عذاب چیکماقده‌لر.
مهاجر قیشلاق آواره‌لری نماینده‌سی گه کوره: «رمضان آیی ده یشاوچیلر نینگ قیینچیلیگی آغیرلشگن، جمله دن ایچیملیک سوو، ساغلیک مرکز یوق دیر، کلینیک و مکتب‌لر غیر فعال دیر، تشکیلاتی حاضرگچه کیلگنی یوق باله‌لریمیز تقدیر سیز. باشقه، اقتصادی قیینچیلیک دیر، سونگی کون‌لرده اوزلری اوچون ایشلسه باله‌لری آچ قاله‌دی و باشقه‌لر اوچون ایشله‌گن حالده، اوزلری قیینچیلیککه قاله‌دی.»
عین‌حالده، تخار ولایتی اراضی و شهرلرنی قیته قوریش باشلیغی محمدآصف عمرمختار گه کوره، مهاجر قیشلاق آواره‌لری اوچون توزیع بولگن ییر ده، برچه امکانیت نظرگه آلینگن.
بیزلرنینگ توییترده هم تعقیب قیلینگ!
او نینگ ایتیشیچه: «۲۷۵ یشش نمره توزیع بولگن، اولر ارا قیزلر و ییگیت‌لر مکتبی علیحده شکلده نظرگه آلینگن، حاضر خطی هم چیزیلگن، ۵ کیچیک مسجد و باشقه بیر جامع مسجد، شونینگدیک کلینیک نظر گه آلینیب و خطی چیزیلگن.»
مهاجر قیشلاق یشاوچیلری، ۱۴۰۱_ ییل نینگ کوز موسومی ده اسلام امیرلیگی نینگ قراری اساسیده، اوشبو قیشلاق دن کوچیریلیب و نیچه آی خیمه و چادرلر آستیده تیریکچیلیک قیلیش دن کیین، حاضر شهرک وحدت اسمی ده‌گی ییر ده جایلشگنلر.
