قیش عرفهسیده، تخار ولایتی خواجهبهاءالدین تومنیدهگی یوزلب عایله، قیین احوال ده چادرلر آستیده حیات کیچیریشماقده؛ مذکور عایلهلر اوتمیش ییللرده یشش اویلرینی تورلی خیل قیینچیلیکلر بیلن قورگن ایدیلر، اسلامی امارت سرپرست حکومتی قراری گه بناً، اولر نینگ اویلری تارتیب آلینیب و ملکیت دعوا قیلگن پشتونلر (کوچیلر) گه بیریلگن.
بوگون (دوشنبه، ۹ عقرب) اسلامی امارت سرپرست حکومت هیئتی، حکومت نینگ میدیالر مرکزی ده مهاجر قیشلاق یشاوچیلری نینگ یشش اویلری پشتونلر گه بیریلیشینی بیلدیردی.
چیگره و قبیلهلر وزیرلیگی نینگ معینی محمدقاسم خالد گه کوره، تخار ولایتی خواجهبهاءالدین تومنی گه ینگیدن بارگن پشتونلر و مهاجر قیشلاق یشاوچیلری آرهسیدهگی جنجل تیکشیریلگن.
بیزلرنینگ فیسبوک صحیفهمیزگه باش اورینگ!
اونینگ ایتیشیچه: «مسئله ایکی بولیمدن عبارت ایدی، بیری ایکینچیلیک ییرلر و باشقه بیری ایسه یشش اویلر دیر. ایکینیچلیک ییرلرده پشتونلر نینگ ظاهرشاه وقتیدن حجتلری بار و شونینگدیک بانکی تعرفهلری هم بار.»
اونگه کوره، یشش اویلر اوستیدهگی جنجل حل بولگن و ایکینچیلیک ییرلر گه دایر، مخصوص محکمه تشکیل بولگن یقینده قرار نتیجهسی شریک قیلینهدی.
سرپرست حکومت هیئتی نینگ ایتیشیچه، ملکیت دعوا قیلگن کوچیلر نینگ آلدیدهگی حجت، ایکینچیلیک ییرلر گه تیگیشلی دیر و یشش اویلر گه ایمس.
اسلامی امارت سرپرست حکومتی، خواجهبهاءالدین تومنی مهاجر قیشلاق دهگی جنجل حل بولیشیدن خبر بیریب و تامانلر راضی ایکنلیگیدن خبر بیرسه ده؛ لیکن سلاموطندار بیلن صحبت اوتکزگن مذکور قیشلاق یشاوچیلری، حکومت نینگ قراری دن راضی ایمسلیکلرینی معلوم قیلهدیلر.
اوشبو منطقه یشاوچیلریدن بیری خوفسیزلیک تهدیدلر باعث اسمی سِر قالیش شرطی بیلن سلاموطندار گه ایتیشیچه، مهاجر قیشلاق اهالیسی اولر گه باشقه منطقه دن ییر توزیع بولیشی گه عاید حکومت نینگ قراری دن راضی ایمسلر.
عینحالده، خواجهبهاءالدین یشاوچیلری نینگ سلاموطندار گه ایتیشلریچه، کوچیلرنی اولر نینگ یشش اویلری ایمس بلکه ایکینچیلیک ییرلری گه دایر ملکیت سندلری بار.
۳۰ ییل آلدین حکومت تامانیدن یشش اویلری اوچون سند آلگنلیکلرینی معلوم قیلهدیلر مهاجر قیشلاق یشاوچیلری.
بیزلرنینگ توییترده هم تعقیب قیلینگ!
خواجهبهاءالدین تومنی مهاجر قیشلاق یشاوچیلریدن بولمیش بیبی لیلا ۵ فرزند آنهسی و اوزی عایلهسی نینگ سرپرستی دیر ایتیشیچه، بیر فرزندی کوچیلر و محل یشاوچیلری ارا تارتیشووده یرهلنگن و هلیگچه ساغهیمهگن.
حاضر چادر آستیده تیریکچیلیک قیلیب کیلهیاتگن بیبی لیلا نینگ ایتیشیچه، قیش ایتیب کیلیشی باعث احواللریدن خواطرده دیر. او سلاموطندار بیلن اوتکزگن صحبتیده ایتیشیچه: «تیریکچیلیک قیلیش اوچون ایکی اتاق قوریب بیریشلرینی طلب قیلدیم. ایناغم نیمه قیلهی، هیچ نرسهمیز یوق مجبور میز. فرزندلریم قارنینی تویغازیش اوچون هیچ نرسم یوق؛ یا که یشش اوی قوریش اوچون.»
برچهسی بیلن، اسلامی امارت سرپرست حکومت هئیتی، ینگیلیکده مهاجر قیشلاق دهگی ۳۰۰ یشش اوی پشتونلر گه بیریلیب و اوشبو قیشلاق یشاوچیلری گه باشقه منطقه دن ییر توزیع قیلینیش گه قرار قیلگن.
حکومت مذکور قیشلاق یشاوچیلری اولر نینگ قراری دن راضی ایکنلیگینی معلوم قیلهدی لیکن سلاموطندار بیلن صحبت اوتکزگن مهاجر قیشلاق یشاوچیلری بوتوغریده ناراضیلیکلرینی بیلدیریشهدی.
منبعلر، محل یشاوچیلری گه ییر توزیع قیلینیشی خصوصیده سلاموطندار گه ایتیشلریچه، ییرلرنی توزیع قیلیش چاغیده، محل یشاوچیلری قرشیلیک قیلیب و انجینرلرنی محل دن هیدهگنلر.
برچهسی بیلن، ایش بیلرمانلردن بیر قطاری مهاجر قیشلاق یشاوچیلری نینگ یشش اویلری، ملکیت دعوا قیلگن کوچیلر گه بیریلیش قرارینی ناقانونی بیلهدیلر.
حقوقی ایش بیلرمان منیر دانش نینگ ایتیشیچه: «بیر مراتبه توزیع بولیب و قوللنمهگنلر مستحق ایمس و ایکینچی مراتبه توزیع بولیب یشش اوی آباد قیلگنلر مستحق دیر، ییر قوللنیش اوچون دیر.»
شونینگدیک تاریخدان و سیاسی تحلیلچی فضلاحمد بورگیت نینگ ایتیشیچه، برهانالدین ربانی حکومتی زمانیده مهاجر قیشلاق نینگ حاضرگی یشاوچیلری گه ملکیت سند توزیع قیلگن، اولر اوتگن ۳۰ ییل ده یشش اوی آباد قیلیب سرمایه یاتقیزیشگن، قبرستانلری بار و پول صرفلشگن. او نینگ کوپهیتیریشیچه: «حقوقی نقطهی نظردن، اگر بیران کیشی ییرگه صاحب چیقسه، ۳۰ ییل یا اوندن کمراق ده ملکیت دعوا قیلینمسه، محل آدملر یا اوییرده تیریکچیلیک قیلهدیگن کیشیلر گه تیگیشلی بولهدی.»
اونگه کوره، اوتگن ۳۰ ییل ده کوچیلر هیچ قچان مهاجر قیشلاق یشاوچیلری نینگ یشش اویلری گه ملکیت دعوا قیلمهگن شونی اوچون، مذکور قیشلاق بومی یشاوچیلر گه تیگیشلی دیر نه کوچیلر گه.
ایتیش کیرهک که، تخمیناً اوچ آی آلدین تخار ولایتی خواجهبهاءالدین تومنی مهاجرلر قیشلاق گه کوچیلر کیریشی بیلن، اولر و محل یشاوچیلری آرهسیده جنجل تاپیلدی، شونینگدیک محل یشاوچیلری ایریم دلیللر باعث اوی جایلرینی ترک قیلدیلر و اولردن قریب ۲۰۰ عایله، خواجهبهاءالدین تومنی لالهگذر چولیده چادر قوریب و او ییرده تیریکچیلیک قیلماقدهلر.