مملکت نینگ ۱۹ ولایتی‌ده جاری هفته دوشنبه و سه‌شنبه کونلری سوو تاشقین‌لر بیلن قتیق قار و یامغیر یاغیشی‌دن کیین، بیر قطار تومن‌لرده‌گی یشاوچیلردن قطاری نینگ ایتیشلریچه، باش‌پنه‌لری مکمل یا-ده نسبی شکلده ویران بولیب و حاضر ایسه کیچه‌وکوندوز نینگ ویران بولگن اوی‌لر یا-ده آچیق هوا‌ده اوتکزیش گه مجبورلر.
هرات یشاوچیسی و سونگی یاغمیرلردن زیان کورگن مریم نینگ ایتیشیچه، اوشبو کون‌لر ویران بولگن اوی‌لرده حیات کیچیریش گه مجبورلر. «اوی‌میز نینگ وضعیتی جوده‌‌یم یامان دیر، دیوارلر یاریلگن ایدی و زلزله‌ده خراب بولگن ایدی. لای قیلگن ایدیک، بیراق حاضر ایسه اورته‌دن کیتگن و ینه یامغیر یاغگنی‌ده ییقیلمه‌سین دیب قورقه‌میز.»
بیزلرنینگ «ایکس» ترماغی ده هم تعقیب قیلینگ!
غزنی ده طبیعی واقعه‌‌دن زیان کورگن امیرمحمد نینگ ایتیشیچه: «بیر اویی‌میز گه مکمل شکلده سوو کیتگن ایدی، بیر طویله هم شو رقم، اوچ-تورت باش قویی‌میز تلف بولدی. دولت کیلیب سروی قیلدی؛ بیراق حاضرگچه یاردم بیریلمه‌گن. قچان بیز گه یاردم بیریله‌دی دیب کوتیب تورگن‌میز.»
باشقه بیر تاماندن، هرات نینگ صوفی‌آباد منطقه یشاوچیسی و اوتگن کون‌لر جریانیده‌گی قار و یامغیر‌لر طفیلی نیچه یقین‌داشی‌نی قولدن بیرگن ذبیح‌الله نینگ سلام‌وطندار گه ایتیشیچه: «اوتگن کون قوشنی‌میز نینگ اویی خراب بولدی، ییتی کیشی ایدیلر و اوی‌لری اوستلری گه ییقیلدی؛ ویرانه‌لر آستیده قالدیلر. تورت کیشی اولیب و باشقه‌سی یره‌لندی. حاضر ایسه اولر گه یاردم بیریلیشی بیللی ایمس.»
عین حالده، هرات حادثه‌لر بیلن قرشی کوره‌ش ریاستی نینگ مالی مدیری عبدالسلام بارکزی گه کوره، هرات ده سونگی ایکی کون جریانیده‌گی قار و یامغیر نینگ یاغیشی طفیلی، ۴۶ یشش اوی ویران و ۵ کیشی اولگن دیر. «رباط، سنگی، کشک و ادرسکن تومن‌لری شامل ۴۶ یشش اوی مکمل یا-ده قسمی شکلده ویران بولگن. هرات مرکزی‌ده خیرآباد ساحه‌سیده اوی تخریب بولیب و حامله عیال بیلن ۳ باله‌سی ویرانه آستیده قالگن و ۲ کیشی ایسه یره‌لنگن.»
بیزلرنینگ فیسبوک صحیفه‌میزگه باش اورینگ!
حادثه‌لر گه ییتیشیش بوییچه دولت وزیرلیگی سوزلاوچیسی جانان سایق نینگ ایتیشیچه، اوشبو وزیرلیک حوت آیی نینگ باشلنگنی‌دن حاضرگچه، زیان کورگن ۲۲ مینگ‌دن آرتیق عایله گه مالی همکارلیک قیلیب و ییگولیک ماده یاردم بیرگن. «حوت آیی نینگ ۱ کونی‌دن ۱۳گچه، هوا نینگ ساووق‌لیگی، قار و یامغیر باعث، ۶۰ کیشی اولگن، ۲۳ کیشی یره‌لنگن، بیر مینگ ۶۵۴ یشش اوی مکمل یا-ده قسمی شکلده ویران بولگن و ۱۸۷ مینگ ۹۱۱ باش چاروه تلف بولگن، بیراق مذکور وزیرلیک تشکیلات‌لر هماهنگ‌لیگی‌ده، ۲۲ مینگ ۴۱۵ عایله گه، نقدی، ییگولیک ماده و باشقه نرسه‌لر یاردم بیرگنلر.»
ایتیش کیره‌ک که، هر ییل تورلی ولایت‌لرده قار و یامغیر یاغیشی دوامی‌ده یشش اوی‌لردن قطاری ستندرد بولمه‌گنی سبب، ویران بولیب و شونینگدیک کوپینچه اوی و ایکین‌زارلر سوو تاشقینی نتیجه‌سیده، تخریب و بیر قطار یشاوچی ایسه جان‌لرینی قولدن بیره‌دیلر.
