امریکا قوشمه ایالتلری‌نینگ کالیفورنیا شهری سکرمنتو حدودی‌ده یشاوچی اوزبیک-تورک‌لرنینگ کمیته‌سی تامانیدن، اوزبیک تیلی ملی کونی مناسبتی بیلن کتته فرهنگی و اجتماعی محفل اوتکزیلدی.
اوشبو طنطنه‌لی محفل، آقسقاللر، فرهنگی و اجتماعی شخصیت‌لر، شاعرلر، یازووچیلر، استادلر، صنعت‌کارلر و یاش باله‌لرنینگ کینگ اشتراکی بیلن اوتکزیلگن.
محفل، آنه تیلی‌میزنی سقلش و رواجلنتیریش، ملی و فرهنگی هویتی‌میزنی مستحکم‌لش، آته بابالریمیزدن قالگن بای میراثی‌میزنی کیله‌جک اولادلر گه ییتکزیش، شونینگدیک بو خلق اورته‌سیده دوستلیک، بیرلیک، اتفاق و همکارلیکنی کوچه‌یتیریش مقصدی بیلن اوتکزیلگن.
اوشبو مناسبت بیلن اوتکزیلگن تدبیرده، اوزبیک تیلی‌نینگ تاریخی، اهمیتی و اونی کیله‌سی اولادلر گه انتقال بیریشده آته-آنه‌لرنینگ مسئولیتلری حقیده توخته‌لیب اوتیلگن. شونینگدیک، آنه تیلی‌میز گه بغیشلنگن شعرلر اوقیلیب و خلق قوشیقلری اجرا ایتیلگن همده باله‌لر و یاشلر ایسه اوز استعداد و مهارت‌لرینی نمایش ایتگنلر.
محفل‌نینگ اینگ قووانچلی و امیدبخش قسم‌لریدن بیری، امریکا‌ده توغیلیب و اولغه‌یاتگن باله‌لرنینگ اوز آنه تیلی‌ده شعر اوقیشلری و قوشیقلر کویلش‌لری بولگن. بو حالت آنه تیلیمیزگه بولگن محبت‌نینگ کیله‌سی اولادلر قلبیده هم یشه‌یاتگنینی کورسته‌دی.
