اوزبیکستان‌لیک تدبیرکارلر افغانستان‌لیک سوداگرلر بیلن اوتکزیلگن قوشمه سودا اوچره‌شووی‌ده، افغانستان کومیری، پخته‌سی و قوریتیلگن میوه‌لرینی ساتیب آلیشگه قیزیقیش بیلدیرگن.
اوشبو تدبیر، ۲ عقرب/۲۴ اکتبر، شنبه کونی مزارشریف شهریده بلخ ولایتی همده اوزبیکستان‌نینگ سرخان دریا ولایتی تدبیرکارلری اشتراکیده بولیب اوتگن.
اوزبیکستان‌لیک تدبیرکارلر سودا علاقه‌لرینی کینگه‌یتیریش و افغانستان صادراتینی آشیریش مهم‌لیگینی تأکیدلب، مملکت‌نینگ کومیری، پخته‌سی، ینگی و قوریتیلگن میوه‌لرینی خرید قیلیشگه حرکت قیلیشلرینی ایتگنلر.
شو بیلن بیرگه، ایکی تامان تدبیرکارلری بونده‌ی اوچره‌شوولرنی سودا علاقه‌لرینی کینگه‌یتیریش و سرمایه کیریتیش‌لرنی جلب ایتیش اوچون امکانیت دیب بهالب، سودا همکارلیگینی مستحکملش اوچون اوزارا کمک کورسه‌تیشگه تأکید ایتگنلر.
