پروان محلی مسئوللری نینگ ایتیش‌لریچه، غوربند نینگ نمک‌آب دره‌سیده محلی حربی عسکرلر و طالبان گروهی آره‌سیده بیر کیچه‌وکوندوز آتیشمه یوزبیرگنیدن کیین، هوایی یاردم ییتیشمه‌گنی باعث طالبان قولیگه سقوط قیلدی.
پروان حاکمی فضل‌الدین عیار نینگ سلام‌وطندارگه ایتیشیچه، اوتگن کیچه هوایی کوچلر نمک‌آب دره‌سیده طالبان نینگ قرارگاه‌لرینی هوایی هجوم آستیده آلیش گه قرار قیلگن ایکنلر؛ بیراق بو هجوملر صورت تاپمه‌دی و بو دره سقوط قیلدی.
جناب عیار نینگ ایتیشیچه، مذکور دره نینگ سقوط قیلگنی باعث محلی حربی عسکرلر قومندانی عبدالغفار آدم‌لری بیلن طالبان قولیگه اسیر بولگن. اونگه کوره، عبدالغفار نینگ اوغلی شامل محلی حربی عسکرلردن ۶ ته‌سی هلاک و باشقه ۸ ته‌سی ایسه یره‌لنگن.
بیزلرنینگ فیسبوک صحیفه‌میزگه هم باش اورینگ!
عین حالده، امنیتی بیر منبع نینگ سلام‌وطندارگه ایتیشیچه، پروان پولیس قومندانلیگی نینگ خوفسیزلیک آمری و اوچینچی پیاده کندک قومندانی رهبرلیگیده مذکور ولایت گه یوباریلگن یاردمچی کوچلر، شینواری تومن بناسی و بو تومن نینگ اشترشهر منطقه‌سیده «سیل و سیاحت» بیلن شغللنماقده.
منبع گه کوره، بو حربیلر اوتگن کون اوشبو منطقه‌ده ییتیشگن ایکن، بیراق محلی حربی عسکرلردن مدافعه قیلیش اوچون حاضرگچه طالبان گه قرشی بیر اوق آتیلمه‌گن.
بیزلرنینگ توییترده هم تعقیب قیلینگ!
اوشبو منبع نینگ کوپه‌یتیریشیچه، شونینگدیک مذکور آتیشمه‌ده محلی حربی عسکرلر قومندانی نینگ بیر اوغلی و ایناغه‌سی هم طالبان قولیگه اسیر بولگن.
محلی منبعلرنینگ ایتیش‌لریچه، طالبان نمک‌آب نی نظارتگه آلگندن کیین استامه دره‌سیگه هجوم قیلیشی ممکن و بو گروه چاریکار شهری نینگ استامه منطقه‌سینی نظارتگه آلگندن کیین، ولایت مرکزی هم تهدید آستیده قرار تاپیشی ممکن.
