سرپل ولایتی کینگش اعضالری نینگ ایتیش‌لریچه، بو ولایتده ۶۰ حربی طالبان گه تسلیم بولگن. سرپل ولایتی کینگش اعضاسی اسدالله خرم نینگ سلام‌وطندارگه ایتیشیچه، نیچه ساعت آلدین مذکور ولایت مرکزی گه تیگیشلی «بغاوی» قیشلاغیده‌گی حربی کوچلرنینگ ۴- کندکی و شونینگدیک اوچ خوفسیزلیک پوسته «سنگ توده» منطقه‌سیده برچه حربی جهازلری بیلن طالبان نینگ قولیگه سقوط قیلگن.
سرپل نینگ اوشبو ولایتی کینگش اعضاسیگه کوره، ۵۰ اردو و ۱۰ پولیس نیچه کون قمروگه قالگندن کیین، نهایتده بوگون آتیشمسدن طالبان گروهی گه تسلیم بولگن. اسدالله خرم نینگ کوپه‌یتیریشیچه، سرپل ۴ بولیمدن طالبان قمرویگه دیر و شونینگدیک توجه‌سیزلیکلر دوام تاپگن صورتده، بو ولایت طالبان قولیگه سقوط قیلیشی ممکن.
سرپل ولایتی کینگش اعضاسی نینگ کوپه‌یتیریشیچه، حاضر مذکور ولایت سوزمه‌قلعه تومنی نینگ وضعیتی یمان دیر و امنیتی کوچلر ایکی پوسته‌ده طالبان قمرویگه قرار تاپگن.
بیزلرنینگ فیسبوک صحیفه‌میزگه هم باش اورینگ!
بو توغریده ۲۰۹ شاهین قول اردو قومندانلیگی و مدافعه وزیرلیگی نینگ فکرینی اورگه‌نیش ایسته‌دیک؛ بیراق کوپینچه سعی و حرکتلر بیلن موفق بولمه‌دیک.
عین حالده، ملی مصالحه عالی کینگش اورین‌باسری عنایت‌الله بابر فرهمند، سرپل ولایت خوفسیزلیک وضعیتی یمان بولگنیدن آگاه‌لنتیرگن. جناب فرهمند فیسبوک صحیفه‌سیده یازیشیچه، اوروش سرپل مرکز کمربندی گه قدر ییتیشگن و سوزمه‌قلعه تومنی برچه حربی جهازلری بیلن طالبان قمرویگه قرار تاپگن و مذکور منطقه‌ده‌گی حربیلر آذیق-آوقت و حربی جهاز کم‌لیگی بیلن روپه‌رو بولگن.
بیزلرنینگ توییترده هم تعقیب قیلینگ!
عین حالده، عنایت‌الله بابر فرهمند نینگ ایتیشیچه، مرکزدن یالغیز ۳۰ کوماندو یوباریلگن که بو ییترلی ایمس و انسانی فاجعه نی آلدینی آلیش و آغیر و ینگیل حربی جهازلرنینگ نجات بیریش اوچون کم وقت قالگن. او، کوماندو قطعه‌لریدن بیری مرکز گه یوباریلیشی و شونینگدیک هوایی هجوم اویوشتیریلیشی نی تکلیف بیرگن.
باشقه بیر تاماندن سرپل مدنی فعاللری و یشاوچی‌لری خواطر بیلدیریب و ایتیش‌لریچه، بو ولایت معامله خطری گه قرار تاپگن و تیزلیککه اقدام بولمه‌گن صورتده، انسانی فاجعه یوزبیریشی ممکن.
طالبان حاضرگچه بو توغریده هیچ بیر نرسه دیمه‌گن.
