سرپل ولایتی کینگش اعضالری نینگ ایتیش‌لریچه، اوشبو ولایت نینگ سوزمه قلعه تومنیده امنیتی کوچلردن ۱۴۰ ته‌سی و سرپل-جوزجان قتناو یولی نینگ سیدآباد منطقه‌سیده ۶۰ ته‌سی طالبان قمراویگه قرار تاپگن.
سرپل ولایتی کینگش اعضالریگه کوره، سرپل-جوزجان قتناو یولیده جایلشگن ۱۸ پوسته آتیشمه یوز بیرمسدن طالبان قولیگه سقوط قیلگن
سرپل ولایتی کینگش عضوی اسدالله خرم نینگ سلام‌وطندارگه ایتیشیچه، اوشبو ولایت نینگ بیرقطار تومن‌لریده امنیتی وضعیت خواطرلنترووچی دیر و دقت بولمه‌گن صورتده، طالبان قولیگه سقوط قیلیب و انسانی فاجعه یوز بیریشی ممکن.
جناب خرم گه کوره، حاضرده تومن‌لرنینگ قتناو یو‌ل‌لری باغله‌نگن و مخابراتی شبکه‌لرنینگ فعالیت‌لری توخته‌تیلگن.
عین‌حالده، سرپل ولایتی کینگش اورین باسری سید اسدالله دانش نینگ ایتیشیچه، اوروش میدان‌لریدن قولگه کیلگن معلومات‌لرگه کوره، ملی اردو تیک‌اوچرلری طالبان‌نی هدف آُستیگه قرار بیرمه‌یدی.
بیراق، سرپل حاکمی قربان مراد مراد نینگ ایتیشیچه، طالبانی سرکوب قیلیش اوچون کمکی کوچلر اوشبو ولایت‌گه کیلگن و امنیتی تهدیدلر کمه‌یگن.
سرپل حاکمی گه کوره، اوتگن ۲۴ ساعت جریانیده سرپل-جوزجان قتناو یولیده اویوشتیریلگن هوایی عاقبتیده، طالبان جنگریلریدن ۲۰ ته‌سی هلاک و باشقه ۱۵ ته‌سی یره‌لنگن.
بوتوغریده مدافعه وزیرلیگی فکرینی آلیش اوچون سعی و حرکت قیلدیک، لیکن موفق بولمه‌دیک و طالبان گروهی هم حاضرگه‌قدر بوتوغریده فکر بیلدیرمه‌گن.
