مملکت نینگ تورلی ولایت‌لریده اوروشلر کوپه‌یگن بیرحالده، ملی اردو حربی‌لری نینگ ایتیش‌لریچه، مملکت ایریم ولایت‌لریده اوروش شدت‌لنگنی باعث اوروش میدانیده‌گی قورال، حربی جهاز و آذیق-اوقات آزلیگی بیلن دوچ کیلیشه‌دی و ملی اردو حربی‌لری اوز وقتی گه اکمال بولمه‌‌یدی.
هرات، کندز، جوزجان و سرپل ولایت‌لریده‌گی ملی اردو حربی‌لری نینگ ایتیش‌لریچه، طالبان گروهی هجوم اویوشتیرگن پیتده قورال و مهمات آزلیگی بیلن دوچ کیلیب و کون‌لرینی آچ‌لیک بیلن اوتکزه‌دیلر.
سرپل ده حربی کوچلردن بیری نینگ سلام‌وطندارگه ایتیشیچه: «آچ‌لیکدن قوتقریش اوچون نیچه مرته اِیتلرنینگ آوقت‌لریدن استعمال قیلگن‌میز.»
قطار ولایت‌لرده محلی پولیس قوماندان‌لری هم پوسته‌لرده قورال، حربی جهاز و پرسونل آزلیگیدن تنقید قیلیب، محلی مسووللرنی توجه سیزلیککه عیب‌لشگن.
جوزجان ولایتی فیض‌آباد تومن محلی کوچلر قوماندانی خال محمد نینگ ایتیشیچه، اوشبو تومنده فعالیت قیله‌دیگن حربیلر نینگ وضعیتی یمان دیر.
حربی ایش بیلرمانلرگه کوره، حربیلر اوز زمانیده اکمال بولمسلیگی، اوروش مدیریتی نینگ کوچسیزلیگی نی کورسته‌دی.
حربی ایش بیلرمان‌لردن بیری محمود حیدری نینگ ایتیشیچه، امنیتی کوچلر قرار آلیشده ایرکین بولمه‌ی و چیت‌ایللیک حربیلر تامانیدن رهبرلیک بولیشی و اولکه منفعتی نی اویلمه‌یدیگن شخصلر امنیتی ارگانلر رهبرلیگیده تعیین ایتیلیشی اوروش میدانیده‌گی حربیلرنینگ اوز زمانیده اکمال بولمه‌سلیگی گه سبب بوله‌دی.
لیکن مملکت ملی مدافعه وزیرلیگی، اوروش میدانیده‌گی حربیلرگه توجه قیلینیشی نی بیرینچی برنامه‌لریدن بولگنی نی ایتیب و آذیق-اوقات، قورال و مهمات اوز زمانیده حربیلرگه ییتیشیشی اوستیگه اورغوله‌گن.
دوحه شهریده تینچلیک سوزلشوولری باشلنگنیدن بویان، طالبان گروهی قطار ولایت‌لرده اوروش‌لرنی شدت‌لنتیرگن. سونگی پیت‌لرده هرات، پروان، پکتیا، هلمند، نیمروز، غور، کندهار، کندز، جوزجان و فاریاب ولایت‌لری جدی آتیشمه‌لرگه شاهد بولگن.
