بدخشان رسمی‌لری و محلی مسووللری نینگ ایتیش‌لریچه، مذکور ولایت کشم تومنی مرکزیده چاپندازلیک حالتی نی کورسته‌دیگن آت مجسمه‌لری، ینگی‌لیکده طالبان آرقه تخریب ایتیلگن. بو مجسمه چاپندازلرنینگ ایچکی نی آلیش اوچون سعی و حرکتی نی کورسته‌دی و شو یوزه‌دن بو ییر آت‌لرنینگ چوکی گه ناملنگن.
بدخشان نینگ کشم تومن ولسوالی بو بوزمه‌کارلیک نی طالبان گروهی گه نسبت بیره‌دی. اونگه کوره، «بو مجسمه‌لر فرهنگی بیر سمبول ایدی و اونینگ تخریب ایتیلیشی نی دینی نقطه‌ی نظردن هیچ قنده‌ی توجیه‌سی یوق.»
شونینگدیک بدخشان حاکمی احمدبشیر صمیم نینگ ایتیشیچه، طالبان اوتگن کون ایرته‌لب بو مجسمه‌لرنی بوتونلی نابود قیلگن.
بیزلرنینگ فیسبوک صحیفه‌میزگه باش اورینگ!
مذکور مجسمه‌لرنینگ تخریب ایتیلیشی اهالی اینیقسه بدخشان یشاوچیلری نینگ جدی عکس‌العمل‌لریگه روپه‌رو بولگن. اولر طالبان نینگ بو ایشی نی، بودا مجسمه‌سی نینگ تخریب ایتیلگنی بیلن بیر دیگنلر.
طالبان حاضرگچه بو توغریده هیچ بیر نرسه دیمه‌گن. شونینگدیک مذکور گروه حاکمیتی زمانیده بامیان‌ده‌گی بودا مجسمه‌لرینی هم تخریب قیلگن ایدی.
بیزلرنینگ توییترده هم تعقیب قیلینگ!
سونگی پیت‌لرده قطار منطقه‌لر طالبان نظارتی گه اوتیشی بیلن تاریخی اثرلر و آبده‌لرنینگ خوفسیزلیگی توغریسیده خواطرلر کوپه‌یگن.
