حکومت مذاکره قیلووچی هیاتی عضوی عبدالحفیظ منصورنینگ سلام‌وطندارگه ایتیشیچه، طالبان مذاکره قیلووچی هیاتی‌دن آجندا دن آلدین ایکی تامان نینگ عالم‌لری قرآن و حدیث اساسیده اوروش نینگ مشروعیتی و مشروعیت‌سیزلیگی خصوصیده میدیالر حضوریده بحث قیلیش‌نی ایسته‌گنلر.
اونینگ ایتیشیچه، ایکی تامان بیر کیلیشووگه قول تاپگن صورتده، اجندا برابریده بولگن قیین‌چیلیک‌لردن بیرقطاری حل ایتیله‌دی، بیراق طالبان گروهی حاضرگه‌قدر بو پیشنهادنی قبول قیلمه‌گن.
حکومت مذاکره قیلووچی هیاتی اعضالریدن باشقه بیری غلام فاروق مجروح نینگ ایتیشیچه، حکومت هیاتی‌گه تیگیشلی بولگن آجندا تیارلنگن و قرشی طرف‌گه تاپشیریلگن، لیگن او طرف حاضرگه‌قدر جواب قیترمه‌گن.
جناب مجروح‌گه کوره، اولر، اوشبو موضوع خصوصیده دین نظریدن هم بحث قیلیش‌گه تیار دیر.
بوتوغریده طالبان هیاتی فکرینی آلیش اوچون سعی و حرکت قیلدیک، لیکن موفق بولمه‌دیک.
عین‌حالده، طالبان سابق عضوی محمدحسن حقیارنینگ ایتیشیچه، اوروش مشروعیتی آجندا گه شامل ایمس ایدی و انه‌شو سبب، طالبان نینگ بوتوغریده بحث قیلیش‌گه حاضر بولمه‌یش‌لری ممکن.
جناب حقیارگه کوره، مملکتده دوامی بولگن اوروشدن کمیده ۲۰ ییل اوتماقده و حاضرده بو موضوع نینگ مشروعیتی بارلیگی یا-ده مشروعیت‌سیزلیگی خصوصیده بولگن بحث‌لر قیین‌چیلیک‌نی حل قیلمه‌ی و ایکی تامان آره‌سیده بولگن اعتماد‌گه زیان ییتیشتیره‌دی.
بوندن آلدین نشر قیلینگن گزارش‌لرگه کوره، ۱۰ کوندن بویان مذاکره قیلووچی هیات‌لر آجندانی انتخاب قیلیش خصوصیده بحث قیلمه‌گنلر.
