حکومت تامانیدن تعیین‌لنگن مذاکره قیلووچی هیأت سوزلاوچیسی نادر نادری نینگ توییتر صحیفه‌سیده یازیشیچه، اوشبو هیات اعضالری اوتگن ۳ هفته جریانیده دولت رهبرلری، ملی مصالحه کینگشی، نماینده‌لر کینگشی نینگ باشلیغی و اعضالری، سیاسی و مدنی فعال‌لر و دین عالم‌لر بیلن مصلحت قیلگنیدن سونگ، تینچلیک سوزلشوولرنینگ ایکینچی دوری گه حضور تاپیش اوچون بوگون (سه‌شنبه، ۱۶- جدی) کابلدن دوحه‌گه تامان یولگه چیقگنلر.

ترقه‌تیلگن گزارش‌لر گه کوره، تینچ‌لیک مذاکره‌سی نینگ ایکینچی دوری بوگون دوحه شهریده باشله‌تیله‌دی.

جناب نادری اوز سوزلری دوامیده : “افغانستان اسلامی جمهوریت دولتی نینگ هیأتی تینچ‌لیک مذاکره‌سی نینگ ایکینچی دورینی باشله‌تیش خصوصده بوتونلی صورتده تیار بولگن و افغانستان ده تینچ‌لیک تأمین بولیشی اوچون هرتمانله مه سوزلشیش ده حاضر بولگن” جناب نادری نینگ ایتیشیچه، مصلحت‌لر جریانیده افغانستان خلقی نینگ بیرینچی ایستگی آتیش کیسین اعلام ایتیلیش بولگن.

اوشبو هیأت اوتگن کونی (دوشنبه، ۱۵- جدی) شام چاغی ملی مصالحه کینگشی نینگ یولاوچیلیک کمیته‌سی بیلن اوچره‌شگن.

ملی مصالحه کینگشی نینگ باشلیغی داکتر عبدالله عبدالله اوشبو ییغین ده صحبت قیلیب، افغانستان اسلامی جمهوریت دولتی نینگ مذاکره قیلوچی هیأتی دولت نینگ حمایتی آستیده بولگن و تینچ‌لیک مذاکره‌سی نینگ ایکینچی دوریگه ایشانچ بیلن کیتیش‌لری اوستیده تأکید قیلگن.

جناب عبدالله اوشبو ییغینده، تینچ‌لیک مذاکره‌سی نینگ ایکینچی دوری باشلنگنیدن کیین هیأت گه لازم بولگن پیتده اونملی و حمایوی مصلحت بیریش اوچون رهبرلیک کمیته سی و فنی گروه‌لر حاضر بولیب توریشدن خبر بیرگن.

تینچ‌لیک مذاکره‌سی نینگ ایکینچی دوری باشلنیشی بیلن، آمریکا نینگ افغانستان تینچ‌لیگی بوییچه خاص نماینده‌سی زلمی خلیلزاد هم کابل گه کیلیب ملی مصالحه کینگشی نینگ باشلیغی داکتر عبدالله عبدالله بیلن اوچره‌شگن.

ایتیش لازم که آمریکا نینگ افغانستان تینچ‌لیگی بوییچه خاص نماینده‌سی، اوتگن کونی دوحه شهریگه سفر قیلگن و منطقوی اولکه‌لرگه هم سفر قیلیشی ممکن.

جناب خلیلزاد توییتر صحیفه‌سیدن یازیشیچه، تینچ‌لیک مذاکره‌سی نینگ ایکینچی دوریده ایکی تامان هم کوزگه کورینرلی یوتوق‌لرگه قول تاپیش اوچون دوحه و منطقه اولکه‌لریگه قیته‌دن سفر قیلگن.

جناب خلیلزاد، مذاکره قیلوچی‌لردن تیزلیکده سیاسی کیلیشوگه قول تاپیب و افغانستان ده آتیش کیسین اعلام قیلیش‌لرینی سوره‌ب و سونگی زمان‌لرده‌گی “هدف‌لی” قتل‌لر قبول بولمسلیگی اوستیده تاکید ایتیگن.

تینچ‌لیک مذاکره‌سی نینگ بیرینچی دوری جاری ییل سنبله آیی نینگ ۲۲- کونی قطر اولکه‌سی نینگ باشکینتی دوحه شهریده باشلنیب و قوس آیی نینگ ۲۲- کونی اداغ‌گه ایریشگن. تینچ‌لیک مذاکره‌سی نینگ بیرینچی دوری ایش طرزالعملی بیلن تمام‌لندی. ترقه‌تیلگن گزارش‌لرگه کوره تینچ‌لیک مذاکره‌سی نینگ ایکینچی دوری بوگون دوحه شهریده باشلنه‌دی.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام