جمهورلیک ریاستی نینگ عامه رابطه‌لر و ستراتیژی بوییچه باشلیغی وحید عمر نینگ ایتیشیچه، تینچلیک مذاکره نینگ آلغه آلیب باروچی هیأت‌لر باشلیغ‌لری، ملی مصالحه کینگشی، خلق ارا حامی‌لر مصلحتی و تینچلیک مذاکره‌سی نینگ ایکینچی دوری کینگه قالمسلیگی اوچون یجمهور رئیس محمد اشرف غنی تینچلیک مذاکره‌سی نینگ ایکینچی دوری قطر اولکه‌سی نینگ باشکینتی دوحه شهریده اوتکزیلیش‌ده رضایت کورستگن. لیکن جناب عمر گه کوره، حکومت تینچلیک مذاکره‌سی نینگ باشقه دورلری افغانستان توپراق‌لریده بولیب اوتیشی اوستیده تأکید ایتگن.
انه‌شوحالده ملی مصالحه کینگشی نینگ باشلیغی داکتر عبدالله عبدالله، بوگون بیر اعلامیه آرقه‌لی تینچلیک مذاکره‌سی بیللی بولگن زمانده قطر اولکه‌سیده بولیب اوتیشی ممکن دیگن.
ملی مصالحه کینگشی تامانیدن ترقه‌تیلگن اعلامیه گه کوره، جناب عبدالله بوگون (یکشنبه، ۷-جدی) بیر ییغن اوتکزیب، افغانستان تینچلیک مذاکره‌سی نی قوللب قوتله‌یجی و حمایت قیلوچی همده تینچلیک مذاکره سی بولیب اوتیشده تیارلیک کورستگن اولکه‌لردن منتدارلیک بیلدیریب، لیکن بعضی قیین‌چیلیک‌لر بولگنی و کرونا ویروسی باعث قطرده بولیب اوتیشی نی تأکید ایتگنلر.
بوگون “یکشنبه” مملکت جمهور رئیسی محمداشرف غنی، ملی مصالحه کینگشی باشلیغی عبدالله عبدالله بیلن اوچره‌شگن.
جمهورلیک ریاستی نینگ بیر خبرنامه آرقه‌لی اعلان قیلیشیچه، اوشبو اوچره‌شوو جمهورلیک ریاستیده اوتکزیلگن و ایکی تامان طالبان گروهی و افغانستان دولتی آره‌سیده بولگن سوزلشوولرنینگ ایکینچی مرحله‌سی نینگ زمانی و مکانی خصوصیده بحث قیلگنلر.
جمهورلیک ریاستی تامانیدن نشر قیلینگن خبرنامه ده ایتیلیشیچه، اوشبو اوچره‌شووده ملی خوفسیزلیک کینگشی مصلحتچی‌سی حمدالله محب هم حضور تاپگن.