بوگون “چهارشنبه” اسلامی جمعیت حزبی ییریک عضوی محمدیونس قانونی نینگ پروان ولایتیده قندوز سابق پولیس قومندانی عبدالرحمان سیدخیلی وفاتی نینگ ۱۰- ییل‌لیگی دن نشانلش اوچون یولگه قوییلگن مراسمده ایتیشیچه، تعریف ایتیلمه‌گن، و وقتینچه‌لیک تینچلیک افغانستان‌نی ینگی بیر اوروش بیلن روپه‌ره قیله‌دی.
جناب قانونی نینگ ایتیشیچه، تینچلیک جریانی‌نی بیللی شکلده دنبال قیله‌دی و آمریکا تشقی ایش‌لر وزیرلیگی نینگ سونگی نامه‌سی و ریجه‌سینی تیکشیریب ایجابی بولیم‌لرینی کوچلی و سلبی بولیم‌لرینی کوچلی قیلیش اوچون فنی بیر هیات تشکیل تاپگن.
جمعیت حزبی نینگ اوشبو عضوینی تاکید قیلیشیچه، تینچلیک سوزلشوولرده جمهوریت و طالبان چیککه‌سیده، افغانستان اهالیسی ضلع هم ایجاد ایتیلیشی نیاز دیر.
شونینگدیک، اسلامی جمعیت حزبی رهبری صلاح‌الدین ربانی نینگ اوشبو برنامه‌ده ایتیشیچه، بیر ییل جریانیده تینچلیک جریانی نینگ نتیجه‌سیزلیگی تینچلیک جریانی نینگ ایش شیوه‌سی خصوصیده اوشبو حزب نینگ حقانیتی‌نی اثابت قیله‌دی.
جناب ربانی نینگ کوپه‌یتیریشیچه، اسلامی جمعیت حزبی آمریکا ریجه‌سینی دقیق مطالعه قیلگن و بوتوغریده اوز فکرینی اعلان قیلیشی ممکن.
اسلامی جمعیت حزبی رهبری نینگ تاکید قیلیشیچه، طالبان بیلن تینچلیک قیلیش ایکی عایله آره‌سیده بولگن تینچلیک ایمس، بلکیم بیر مملکت‌گه تیگیشلی تینچلیک دیر و اسلامی جمعیت حزبی سوزلشوولرنی نیچه تامانلمه بولیشی‌نی ایسته‌یدی.
عبدالرحمان سیدخیلی نینگ اولیمی‌دن نشانلش اوچون یولگه قوییلگن مراسمده اشتراک قیلگن‌لرنینگ ایتیش‌لریچه، حاضرگی حکومت جمهوریت‌دن دفاع قیلیش‌نی ایسته‌یدی، لیکن افغانستان بوتون اهالی‌سیدن نماینده‌لیک قیله آلمه‌یدی و مقاومت حوزه‌سینی تینچلیک سوزلشوولرده دخلیل بولیشی کیره‌ک.
قندوز سابق پولیس قومندانی و جمعیت حزبی قومندان‌لریدن بولمیش عبدالرحمان سیدخیلی ۱۰ ییل آلدین قندوز ولایتیده خودکش بیر هجوم نتیجه‌سیده هلاک ایتیلگن ایدی.
