بوگون (پنجشنبه ۱۶- دلو) مملکت تانیقلی و سیاسی سیمالریدن قطاری اَیری ییغینلر یولگه قوییش بیلن افغانستان تینچلیک پروسهسی نابود ایتیلیشی خصوصیده اوز خواطرلرینی بیلدیریب ایتیشلریچه، دوحهده تینچلیک پروسهسی قیینچلیککه دوچ کیلیشی، افغانستان ده اوروش دوام ایتیشی نینگ معناسیگه کیلهدی.
مملکت سابق جمهوررئیس اورینباسری محمدیونس قانونی کابل ده «موج اعتدال و همسویی» تشکیلاتی نینگ آچیلیش مراسمیده ایتیشیچه، افغانستان تینچلیک پروسهسی هر دلیل باعث نابود بولگن صورتده، افغانستان گه اوروش دوام تاپیشی ممکن. اونینگ آگاهلنتیریشیچه، افغانستان ده اوروش دوام تاپگن صورتده اولر ایکینچی مقاومت اساسی نی قوریش گه تیار دیر.
جناب قانونی گه کوره، اولر اجتماع نینگ یریمی نابود بولهدیگن بیر تینچلیک ایستمهیدی، بلکیم اوروش گه قیتمهیدیگن بیر اوروش دن حمایت قیلهدیلر.
شونینگدیک لندن بوییچه مملکت سابق ایلچیسی احمدولی مسعود بو ییغینده ایتیشیچه، تینچلیک اوچون ایشلش گه افغانستان یشاوچیلریگه فرصت بیریلیشی کیرهک.
شوندهی بیرحالده، مملکت ملی خوفسیزلیک سابق رئیسی رحمتالله نبیل نینگ ایتیشیچه، آمریکا و طالبان گروهی آرهسیده امضالنگن کیلیشوونامه، جمهوریت نینگ ناکاملیک بیر موقف گه قرار بیرگن. اونگه کوره، اهالی و حکومت آرهسیدهگی فاصله باشقه هر زمان گه قرهگنده کوپهیگن.
اوشبو سیاستچیلرنینگ ایتیشلریچه، مصالحه عالی کینگش و حکومت تینچلیک سوزلشوولری خصوصیده اهالی گه ییترلیچه معلومات بیرمهگن و بو اهالی نینگ حقی گه جفا قیلیش دیر.