مذاکره قیلووچی هیات اعضالری نینگ ایتیشلریچه، ایکی تاماندن نینگ خاص تیملری سوزلشوو آجنداسی نی ایجاد قیلیش اوچون شنبه کونی ایشگه باشلهیدی.
طالبان گروهی نینگ مذاکره قیلوچی هیأتی سوزلاوچیسی داکتر محمد نعیم توییتر صحیفهسیدن یازیشیچه، طالبان گروهی نینگ مذکره قیلوچی هیأتی بیلن افغانستان اسلامی جمهوریت حکومتی نینگ مذاکره قیلوچی هیأتی اوتگن کونی مذاکرهلر نینگ ایکینچی باسقیچ دستلبکی ییغینینی اوتکزیب و ایکی تامان اجندا خصوصیده شنبه کونی ییغین اوتکزیشده قرار آلگنلر.
انه شوحالده قطار ایشبیلرمانلر، تینچلیک مذاکرهسی نینگ اجنداسی کوپینچه زمان آلیشی ممکن دیدیلر.
ایشبیلرمانلردن بولمیش محب الله شریف نینگ ایتیشیچه، اجندا حقیده بحث اوتکزیلگن و اوشبو خصوصده یاشیرینچ اوچرهشولرهم بولگن و حتا اوشبو موضوع توغری سیده مادهلرهم تیارلنگن.
جناب شریف گه کوره، اجندا توغری سیده بحث قیلیش کوپینچه زمان آلهدی.
سیاسی ایشبیلرمان و طالبان گروهی نینگ ایسکی عضوی محمد حسن حقیار گه کوره، افغانستان قیینچیلیگی جوده زور بولگن و اوروش هم دوام ایتماقده و انه شوباعث بوتون خلق نی بیرلشتیریب بیر سیس چیقارتیریش جوده زور دیر.
جناب حقیار نینگ ایتیشیچه، ایکی تامان افغانستان قیینچیلیگینی تینچ فضاده حل قیلیشنی ایستهگن حالده ۳ یاده ۴ آی زمان آلیشی ممکن.
لیکن اولکه یشاوچیلری نینگ بیر قطاری دوحه شهریده اوتکزیلگن بیرینچی اوچرهشولر تجربهسیدن خواطرده ایکنلیکلرینی بیلدیریب و تینچلیک مذاکرهسی نینگ اجندا موضوع سی هم ایش طرزالعملی دیک ۳ آی زمان آلیب و اولکهده ۳ آی بوییچه اوروش و قتللر دوام ایتیشدن جدی صورتده خواطرده بولگنلر.