ناتو تشکیلاتی نینگ باش‌کاتبی ینس استولتنبرگ نینگ ایتیشیچه، افغانستان تینچلیک جریانی یوتوققه ایریشیشده هیچ‌قنده‌ی کفالت یوق و اوشبو روند خواطرلنتروچی دیر. ناتو تشکیلاتی نینگ باش کاتبی اوشبو سوزلرنی اوتگن “سه‌شنبه” کونی آلمان اولکه‌سیگه تیگیشلی (DPA) کونده‌لیگی بیلن اوتکزگن صحبتیده بیان قیلگن.
بوندن آلدین ناتو تشکیلاتی نینگ باش کاتبی، افغانستان ده تینچلیک تأمین بولیشی اوچون تاریخی فرصت یره‌تیلگنیدن خبر بیریب و اوشبو فرصتدن استفاده قیلیش لازم دیگن ایدی.
جناب ینس استولتنبرگ گه کوره، افغانستان اسلامی جمهوریت دولتی بیلن طالبان گروهی نینگ هیأت‌لری آره‌سیده دوام ایته دیگن تینچلیک مذاکره‌سی، افغانستان ده تینچلیک تأمین بولیشی اوچون یالغیز حل یول بولگن و انه شوسبب ناتو تینچلیک مذاکره‌سیدن حمایت قیله‌دی.
اگرده ناتو کوچ‌لری افغانستان‌نی ترک ایتمه‌گن حالده طالبان گروهی ناتو کوچ‌لری اوستیده هجوم اویوشتیریش امکانی بارمی؟ دیگن سوراققه منه بوندی جواب قیترگن، “ناتو نینگ آله‌دیگن برچه قرارلری توغری سیده خطر بولگن.”
ناتو تشکیلاتی باش کاتبی نینگ ایتیشیچه، اگرده ناتو تشکیلاتی افغانستان‌نی ترک ایتگن حالده، افغانستان ده‌گی برچه یوتوق‌لر اینیقسه خلق‌ارا تروریستی گروه‌لر برابریده‌گی یوتوق‌لر اورته دن کیتیب و افغانستان قیته دن تروریستی گروه‌لر اوچون امن مکان گه اوزگریشی ممکن، لیکن ناتو افغانستان ده قالگن حالده اوروش و زوروانلیک‌لر رقمی آرتیشی ممکن و ناتو، افغانستان ده اوزون مدتلی بیر اوروش گه کیریشی ممکن.
ناتو تشکیلاتی نینگ باش کاتبی، بوندن آلدین هم ناتو، افغانستان ده قالگن حالده هم و افغانستان‌نی ترک ایتگن حالده بها توللشی ممکن دیگن ایدی.
ینس استولتنبرگ اوتگن آی ناتو تشکلاتی عضوی بولگن اولکه‌لر نینگ تشقی ایشلر وزیرلری حضوریده ایتگن ایدی: “اگرده افغانستان ده قالسک هم بها توللشی میز لازم، لیکن اگرده افغانستان‌نی ترک ایتسک هم بها توللشیمیز لازم. افغانستان ده قالیش بهاسی، حربی‌لریمیز نینگ افغانستانده‌گی حضوری و خرجتی دن عبارت دیر و افغانستاندن چیقیش بهاسی، یوتوق‌لرنی قولدن بیریش عبارت دیر.”
افغانستان‌لیک‌لر ارا تینچلیک مذاکره‌سی جاری ییل سنبله آیی ده قطر اولکه‌سی نینگ پایتختی دوحه شهریده باشلنیب، قوس آیی نینگ ۲۲- کونیده اداغگه ایریشدی، لیکن ایکینچی دوری جدی آیی نینگ ۱۶- کونی باشله نیشی ایتیله‌دی. ایتیش لازم که تینچلیک مذاکره‌سی نینگ ایکینچی دوری هم دوحه شهریده بولیب اوته‌دی.
