آمریکا جمهوررئیسی جوبایدن نینگ ایتیشیچه، افغانستان گه دیپلماتیک، اقتصادی و انسانی وعده‌لر دوام تاپه‌دی. آمریکا جمهوررئیسی اوشبو بیانات نی جاری هفته دوشنبه کونی بلژیک پایتختی بروکسل شهریده و ناتو رهبرلری نینگ ییغینیده بیان قیلگن.
آمریکا جمهوررئیسی نینگ ایتیشیچه: «بیزلرنینگ مملکتی میزگه هجوم قیلیش اوچون افغانستان ینه بیر مرته ترورچیلیک نینگ تینچ اویه‌سیگه اوزگرمه‌سلیگی حقیده ترورچیلیککه قرشی کوره‌ش خصوصیده بیرلشیک‌لریم نینگ بیاناتی نی خوش قرشی‌له‌یمن. نهایتده اورته خاور و آفریقا ده ترورچیلیککه قرشی کوره‌ش نی بوینی‌میزگه آلگنده.»
بیزلرنینگ فیسبوک صحیفه‌میزگه هم باش اورینگ!
شونینگدیک ناتو باش کاتبی ینس استولتنبرگ، ناتو رهبرلری نینگ ییغینیدن کیین اَیری بیر ییغینده ایتیشیچه، افغانستان امنیتی نهادلریدن مالی حمایت قیلیش و مصلحت بیریش و بو مملکت هواقونالغه‌سی نینگ فعالیتی نی دوام تاپیشیدن ایشانچ کیلتیریش اوچون بودجه تصدیق‌لنگن.
ناتو باش کاتبی نینگ ایتیشیچه: «بیرگه ایشله‌یمیز. ناتو و بیرلشیک‌لری کابل هواقونالغه‌سی نینگ فعالیتی دوام تاپیشی دن ایشانچ قولگه کیلتیریش اوچون بیر ریجه نی اوستیگه ایش قیلماقده. بوگونگی ییغین نینگ چیککه‌سیده اوچره‌شوولر صورت تاپدی. طبیعی دیر که بو حرکتلر توغریسیده ترکیه نینگ کلیدی نقشی بار و افغانستان ده ناتو و دنیا جماعه‌چیلیگی نینگ ناحربی حضوری اونملی دیر.»
بیزلرنینگ توییترده هم تعقیب قیلینگ!
ینس استولتنبرگ نینگ کوپه‌یتیریشیچه، افغانستان امنیتی کوچلردن مالی یاردم دوام تاپیشی گه ناتو بیرلشیک‌لری قول بیریب و افغانستان امنیتی کوچلری اینیقسه عملیاتی خاص کوچلرگه افغانستان دن تشقی تعلیمات بیریش گه زمینه یره‌تیلیشی گه وعده بیریلگن.
ناتو باش کاتبی نینگ ایتیشیچه: «اوچینچی بو دیر که افغانستان ده مصلحت بیریش و ظرفیت قوریش اوچون بو مملکت گه قالیش اوچون قرار آلدیک. تورتینچی بو که بیزلر آستقورمه‌لر اینیقسه کابل هواقونالغه‌سی نینگ سقله‌نیشی اوستیگه جدی ایش قیله‌میز. بو تورت مسیر اونملی دیر و بیزلر شو آرقه‌لی افغانستان گه یاردم‌لریمیزگه دوام بیریشی‌میز ممکن.»
