ناتو باش کاتبی ینس استولتنبرگ نینگ ایتیشیچه، مذکور تشکیلات و بیرلشیک‌لری افغانستان دن حمایت قیلیش و مذکور مملکت آستقورمه‌لری جمله‌دن، کابل هوا قونالغه‌سی نینگ سقلش خصوصیده ایش قیلماقده.
بروکسل ده مذکور تشکیلات گه اعضا مملکتلرنینگ رسمی ییغینی یولگه قوییلمسدن آلدین بو تشکیلات باش کاتبی نینگ ایتیشیچه، ناتو بیرلشیک‌لری جمله‌دن ترکیه مملکتی بیلن کابل هواقونالغه‌سی نینگ خوفسیزلیگی نی سقلش اوستیگه صحبت اوتکزماقده.
بیزلرنینگ فیسبوک صحیفه‌میزگه هم باش اورینگ!
ینس استولتنبرگ نینگ اورغولشیچه، کابل هواقونالغه‌سی نینگ سقله‌نیشی ناتو نینگ بیرلشیک‌لریگه علاوه، دنیا جماعه‌چیلیگی، دیپلماتیک حضور و عین حالده رواجلنتیریش یاردملر دوام تاپیشی اوچون اونملی دیر.
ناتو باش کاتبی نینگ کوپه‌یتیریشیچه: «بیزلر کمیده ۲۰ ییل او ییرده ایدیک، دایمی او ییرده قالیش اوچون قرار آلگن ایدیک. بیزلر حربی حضور یکونله‌نیش قراری نینگ خوفلریدن خبرمیز؛ بیراق بیزلر افغانلردن حمایت قیلیش گه دوام بیریشی‌میز ممکن.»
- بلینکن: مناسب زمانده ناتو بیلن بیرلیکده افغانستاندن چیقه‌میز
- «ناتو ترورچیلیککه قرشی کوره‌ش اوچون افغانستان حربی‌لریدن حمایت قیلیش گه متعهد دیر»
- ارگ ناتو نینگ افغانستان توغریسیده آلگن ینگی قراری نی خوش قرشیله‌گن
- ناتو بیرلشیک‌لری افغانستانده‌گی چیت‌ایللیک کوچلر حقیده بیرگه‌لیکده قرار آله‌دی
جناب استولتنبرگ نینگ اورغولشیچه، ناتو افغانستان ده حربی حضوری نی اداغی گه ییتیشتیره‌دی، بیراق افغانستان امنیتی و مدافعه کوچلریدن حمایت قیلیش گه دوام بیره‌دی.
اونینگ کوپه‌یتیریشیچه، ناتو نینگ افغانستان امنیتی کوچلریدن حمایت قیلیشی، ملکی حضور و امنیتی و مدافعه نهادلرگه مصلحت بیریش بیلن صورت تاپه‌دی و عین حالده، مذکور تشکیلات افغانستان امنیتی کوچلریدن مالی حمایت قیلیش گه هم دوام بیریشی ممکن.
بیزلرنینگ توییترده هم تعقیب قیلینگ!
بوندن آلدین آمریکا تشقی ایشلر وزیرلیگی کابل ده دیپلماتیک حضوری نینگ سقله‌نیشی تینچ و فعال بیر هواقونالغه موجودلیگی گه باغلیق و عکسینچه حالده، کابل ده ایلچی‌خانه‌لر باغله‌نیشی نی اعلام قیلگن ایدی.
ناتو گه اعضا مملکتلرنینگ ییغینی بوگون بلژیک پایتختی بروکسل ده یولگه قوییلیشی گه قرار قیلگن. باشقه موضوعلرگه علاوه، افغانستان گه تیگیشلی موضوعلر هم بو ییغین ده بحث گه آلینه‌دی.
