آمریکا تشقی ایش‌لر وزیری آنتونی بلینکن نینگ ایتیشیچه، آمریکا و ناتو تشکیلاتی بیرلیکده افغانستان گه کیلگن و مناسب زمانده اوشبو مملکت‌دن چیقه‌دیلر.

آمریکا تشقی ایش‌لر وزیری اوشبو موضوعی بوگون “سه‌شنبه” ناتو عضوی بولگن مملکت‌لرنینگ تشقی ایشلر وزیرلری ییغینیدن سونگ، ناتو باش کاتبی ینس استولتنبرگ بیلن اوتکزگن قوشمه خبری ییغینده بیان قیلگن.

بلینکن نینگ کوپه‌یتیریشیچه، افغانستان اوروشی‌نی یکونلنتیریش اوچون ناتو متحدلری بیلن سعی و حرکت قیله‌دی. اونینگ ایتیشیچه، چیت‌ایللیک حربی‌لرنی افغانستاندن چیقاریلیشی خصوصیده ناتو و آمریکا قوشمه شکلده قرار قیله‌دی. آمریکا تشقی ایشلر وزیری نینگ ایتیشیچه، آمریکا و ناتو افغانستان‌نی عصیانچی‌لر اوچون تینچ مکان‌گه اوزگرمه‌یشیدن مطمین بولیش‌نی ایسته‌یدی.

آنتونی بلینکن نینگ ایتیشیچه، آمریکا نینگ متحدلری بیلن بولگن سوزلشوو کیله‌سی ایکی کون جریانیده باشلنه‌دی و ناتو نینگ افغانستانده‌گی ماموریتی هم بو برنامه‌نی بیر بولیمی دیر.

 عین‌حالده، ناتو باش کاتبی ینس استولتنبرگ نینگ ایتیشیچه، آمریکا و ناتو افغانستاندن چیقیش موضوعی نی یقیندن تیکشیره‌دی.

 بوندن آلدین ناتو باش کاتبی، طالبان گروهی دن بهاری عملیات‌لرینی باشلمه‌یش‌لرینی سوره‌گن ایدی. او، طالبان گروهی دن، تینچلیک شرطنامه گه عمل قیلیش بیلن زوروانلیکلرنی کمه‌یتیریشی‌نی سوره‌گن ایدی.

۱۳۹۸- ییل آمریکا و طالبان آره‌سیده امضا ایتیلگن شرطنامه گه کوره، می آی نینگ بیرینچی تاریخی آمریکا حربی‌لرینی افغانستاندن چیقیشی اوچون ضرب‌الاجل تعیین قیلینگن.

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام