آمریکا مدافعه وزیری لوید آستین، مذکور مملکت بیرلشیک‌لریگه افغانستان دن شاشیلینچ و ترتیب‌سیز چیقمه‌سلیکلری توغریسیده ایشانچ بیرگن.
آمریکا مدافعه وزیرلیگی بیر اعلامیه ترقه‌تیب یازیشیچه، اوتگن کون (پنج‌شنبه ۳۰- دلو) مذکور مملکت مدافعه وزیری جناب آستین ناتو مدافعه وزیرلری ییغینیده ایتیشیچه، طالبان و آمریکا دوحه کیلیشوونامه‌سیگه قنچه‌لیک عمل قیلگن‌لرینی بیللی قیلیش اوچون ایکی تامان آره‌سیده امضالنگن کیلیشوونامه تیکشیریلماقده. جناب آستین گه کوره، بو توغریده بیرلشیک‌لری و همکارلری بیلن مصلحت قیلیش اوچون متعهد دیر.
لوید آستین نینگ اورغولشیچه، افغانستان نی اوروشی یکونله‌نیشی اوچون آمریکا دیپلماتیک بیر حل یول تاپیش اوچون متعهد دیر. کمیده بیر ییل آلدین آمریکا و وطالبان گروهی بیر کیلیشوونامه امضاله‌دی کیم بو کیلیشوونامه اساسیده، میلادی ۲۰۲۱- ییل می آی گچه چیت ایللیک کوچلرنینگ برچه‌سی افغانستان نی ترک قیلیشی کیره‌ک.
ناتو باش کاتبی نینگ ایتیشیچه، مذکور تشکیلات حربی‌لری نینگ افغانستاندن چیقیشی توغریسیده حاضرگچه نهایی قرار آلینمه‌گن.
اوتگن کون (پنج‌شنبه ۳۰- دلو) ناتو باش کاتبی ینس استولتنبرگ مذکور تشکیلات مدافعه وزیرلری نینگ ایکی کونلیک ییغینی اداغیده بیانات بیریب اورغولشیچه، ناتو بیرلشیک‌لری افغانستان وضعیتی نی تیکشیرماقده و طالبان نینگ هر قنده‌ی زوروانلیگی افغانستان وضعیتی نی اوزگرتیریشی ممکن. او طالبان گروهیدن زوروانلیک‌لرنی کمه‌یتیریب و تینچ بیر یول آرقه‌لی موضوع‌لرنینگ حل قیلیش‌لرینی سوره‌گن.
رویترز خبرگزارلیگی نینگ گزارشی اساسیده، افغانستان اینیقسه کابل ده زوروانلیکلر میزانی کوپه‌یگنی آمریکا کانگرس اعضالری و انسان حقلریدن مدافعه قیله‌دیگن گروهلری نینگ افغانستان چیت‌ایللیک کوچلر چیقیشی آرتده قالدیریلیشی نی سوره‌شی گه سبب بولگن.
