چیت‌ایللیک کوچلر افغانستان نی ترک قیلگن بیرحالده، ناتو باش کاتبی ینس استولتنبرگ نینگ ایتیشیچه، مذکور تشکیلات بیرلشیک‌لری کابل ده ملکی و دیپلماتیک حضوری گه دوام بیریب و افغانستان امنیتی نهادلری نینگ ظرفیت‌لری یوقاری کیتیشی اوچون، اولرگه همکارلیک و مصلحت بیریشی ممکن.
اوتگن کون (سه‌شنبه ۱۱- جوزا) ناتو باش کاتبی، بروکسل ده ناتو گه اعضا مملکتلر مدافعه وزیرلری نینگ ییغینی یولگه قوییلمسدن آلدین ایتیشیچه، افغانستان دن حربیلرنینگ چیقیشی بو مملکت بیلن علاقه‌لرنی کیسیش معناسیگه ایمس. جناب استولتنبرگ نینگ ایتیشیچه، بونگه شبهه یوق که ناتو کوچلری نینگ چیقیشی بیلن افغانستان جدی قیینچیلیکلر بیلن دوچ کیلیشی ممکن.
بیزلرنینگ فیسبوک صحیفه‌میزگه هم باش اورینگ!
اونینگ ایشانچی گه کوره، ناتو حربیلرنینگ بوتونلی افغانستان دن چیقیشی نی خطرلری هم بار؛ بیراق افغانستان ده قالیش هم خطرسیز ایمس و زوروانلیکلرنی کوپه‌یشی گه سبب بولیشی ممکن.
- ترکیه نینگ ناتوده‌گی ایلچیسی: استانبول ییغینی دوحه سوزلشوولری نینگ بیتیروچیسی دیر
- بلینکن: مناسب زمانده ناتو بیلن بیرلیکده افغانستاندن چیقه‌میز
- «ناتو ترورچیلیککه قرشی کوره‌ش اوچون افغانستان حربی‌لریدن حمایت قیلیش گه متعهد دیر»
- افغانستان ده دایمی تینچلیک تأمین‌لنگونگه قدر، ناتو همکارلیک‌لریگه دوام بیره‌دی
جناب استولتنرگ نینگ ایتیشیچه، افغانستانده ناتو نینگ حربی حضوری صفر گه ییتیشیشی ممکن، بیراق امنیتی کوچلر گه تعلیمات بیریش و مصلحت بیریش اوچون مذکور تشکیلات نینگ ملکی مأموریتی دوام تاپیشی توغریسیده ایشانچ بیره‌دی.
شونینگدیک بوندن آلدین، ناتو باش کاتبی «کیسکین حمایت» یکونله‌نیشی مشارکت یکونله‌نیش معناسیگه کیلمه‌ی و همکارلیکلرنینگ ینگی بیر فصلی باشله‌نیشی ممکن دیگن ایدی.
بیزلرنینگ توییترده هم تعقیب قیلینگ!
بونده‌ی بیاناتلر ارایه ایتیلگن بیرحالده، ناتو تشکیلات حربی‌لریدن ۴۴ فایزی حاضرگچه افغانستان نی ترک قیلیشگن.
