ناتو باش کاتبی ینس استولتنبرگ نینگ اوشبو تشکیلات تشقی ایش‌لر وزیرلری ییغینی نینگ عرفه‌سیده اوتکزیلگن آنلاین خبری ییغینده ایتیشیچه، طالبان گروهی بهاری عملیات‌لرینی باشلمه‌سین. او، طالبان گروهی دن تینچلیک شرنامه‌گه عمل قیلیش بیلن زوروانلیک‌نی کمه‌یتیریشینی ایسته‌گن.
ناتو باش کاتبی نینگ کوپه‌یتیریشیچه، طالبان گروهی باشقه تروریستی گروه‌لر جمله‌دن القاعده دن حمایت قیلمه‌یشی‌نی ثابت قیلیشی کیره‌ک. اونینگ ایتیشیچه، طالبان گروهی باشقه تروریستی گروه‌لر بیلن بولگن رابطه‌سینی توخته‌تیش مضوعی‌گه قنچه تعهدلی بولگنی‌نی تیکشیریش‌لری ممکن.
استولتنبرگ نینگ ایتیشیچه، اوتگن نیچه ییلده افغانستانده کمیده ۱۰۰ مینگ حربی‌لری فعالیت قیله‌ریدی، لیکن حاضرده کمیده ۱۰ مینگ حربی آمریکا رهبرلیگی‌گه افغانستانده تعلیم بیریش و افغانستان امنیتی کوچلریدن حمایت قیلیش خصوصیده فعالیت قیله‌دی.
جناب استولتنبرگ نینگ کوپه‌یتیریشیچه، اوشبو حربی‌لردن کوپراغی آمریکالیک ایمس و ناتو عضوی بولگن اورپالیک مملکت‌لریدن. اونینگ ایتیشیچه، چیت‌ایللیک کوچلرنینگ کمهیتیریلیشی افغانستان حربی‌لرینی طالبان گه قرشی مبارزه قیلیش کوچی‌گه ایگه بولگنی‌نی اثبات قیله‌دی.
ناتو باش کاتبی نینگ اوشبو تشکیلات حربی‌لرینی افغانستاندن چیقاریلیشی خصوصیده بولگن سوراققه قرشی ایتیشیچه، حاضرگه‌قدر نهایی قرار آلینگن ایمس. اونینگ ایتیشیچه، حاضرده تینچلیک سوزلشوولر نتیجه بیریشی‌گه تمرکز قیله‌دی؛ چونکه افغانستانده اوروش‌نی یکونلنتیریش اوچون تینچلیک سوزلشوولر یالغیز حل یول دیر. او، بوتون طرف‌لردن سوزلشوو آرقه‌لی حل یول تاپیش‌لرینی ایسته‌گن.
