ارزگان ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوشبو ولایت نینگ گیزاب تومنی طالبان قولیگه سقوط قیلگن.
منبع نینگ ایتیشیچه، بو تومن اوتگن کیچه شدت‌لی بیر آتیشمه دن سونگ، طالبان نظارتی‌گه اوتگن.
بیراق، باشقه بیر منبع نینگ کیم‌لیگی سیرقالیش‌نی ایسته‌ب ایتیشیچه، حاضرده هم امنیتی کوچلرنینگ گیزاب تومنیده حضوری بار.
عین‌حالده، ارزگان حاکمی سوزلاوچیسی احمدشاه ساحل نینگ طالبان جنگریلری و امنیتی کوچلر آره‌سیده یوز بیرگن آتیشمه‌لرنی تصدیق‌لگن، بیراق اوشبو نینگ طالبان نظارتی‌گه سقوط قیلگنی‌نی رد قیلگن.
حاضرگه‌قدر ارزگان امنیتی مسوول‌لری و طالبان گروهی بوتوغریده فکر بیلدیرمه‌گن.
