چیت‌ایللیک کوچلرنینگ افغانستان دن چیقیشی زمانی یقیین‌لشگن بیرحالده، آمریکا اطلاعاتی نهادلری بیر گزارش آرقه‌لی مذکور مملکت جمهوررئیسی جوبایدن دولت نی آگاه‌لنتیریشیچه، اوشبو حربیلر افغانستان دن چیققن صورتده، افغانستان وضعیتی یمان بولیب و طالبان قدرتی کوپه‌یشی ممکن.
عین حالده، جمهوررئیس ملی خوفسیزلیک مصلحتچیسی حمدالله محب آمریکا اطلاعاتی نهادلری نینگ گزارشی توغریسیده خواطر بیلدیریب ایتیشیچه، مملکتده تینچلیک تأمین‌لنمه‌ی و چیت‌ایللیک کوچلر چیققن صورتده، ایچکی اوروش‌لرگه قیتیش خوفی موجود دیر.
جناب محب اوشبو خواطرلرنی بوگون (شنبه ۷- حمل) امنیتی ییریک رسمی‌لر بیلن یولگه قوییلگن قوشمه خبری ییغینده بیان قیلگن. اونگه کوره، طالبان چیت‌ایللیک کوچلرنینگ مملکتدن چیقیشی اوچون تورلی بهانه کیلتیره‌دی و بو مذکور گروه نینگ افغانستان ده تینچلیک تأمین ایتیلیشی گه قیزیقمه‌گنی نی کورسته‌دی.
جمهوررئیس ملی خوفسیزلیک مصلحتچیسی چیت‌ایللیک کوچلر چیقیشی بیلن مملکت خوفسیزلیک وضعیتی یمان بولیشی توغریسیده آگاه‌لنیترگن بیرحالده، مدافعه وزیرلیگی مسئوللری نینگ ایتیش‌لریچه، چیت‌ایللیک کوچلرنینگ چیقیشی افغانستان خوفسیزلیگی وضعیتی اوستیگه سلبی تأثیر قویمه‌یشی ممکن.
مدافعه وزیرلیگی سرپرستی محمد یاسین ضیا، آمریکا اطلاعای نهادلری نینگ گزارشی گه عکس‌العمل کورسه‌تیب ایتیشیچه، امنیتی نهادلر مملکتدن مدافعه قیلیش اوچون تیار دیر.
اوشبو بیاناتلر ارایه ایتیلگن بیرحالده جو بایدن نینگ ایتیشیچه، آمریکا حربی‌لری تعیین‌لنگن زمانده افغانستان دن چیقیشی فنی دلیللر باعث قیین دیر.
