بیرلشگن ملتلر تشکیلاتی گه کوره، اوشبو تشکیلات باش کاتبی نمایندهلیگیده یوقاری مرتبهلی بیر هیات کابل گه ییتیب کیلگنیدن خبر بیرگن.
مذکور تشکیلات سهشنبه کونی، ۲۷ جدی، ترقهتگن بیانیهسیده «افغانستان وضعیتی حلی اوچون تیزلیک بیلن ییچیم یول» قیدیریلیشی کیرهک دیه تأکید ایتگن.
بیزلرنینگ فیسبوک صحیفهمیزگه باش اورینگ!
بیانیه اساسیده، بیرلشگن ملتلر تشکیلاتی باش کاتبی نینگ اورین باسری آمینه محمدی، صلح و سیاسی ایشلر بوییچه بیرلشگن ملتلر تشکیلاتی باش کاتبی نینگ سکرتری خالد خیاری و بیرلشگن ملتلر تشکیلاتی عیاللر دفتری نینگ اجرائیه مدیری سیما بحوث اوشبو هیات اعضالریدن عبارت دیر.
بیرلشگن ملتلر تشکیلاتی نینگ بیانیهسیده کیلیشیچه، مذکور هیات افغانستان وضعیتی گه دایر حاضرگچه قوشنی بیر قطار مملکتلر، خلیج فارس اولکهلری و باشقه قطار مملکتلر گه سفر قیلگن.
اوشبو هیات اعضالری، انقره، اسلامآباد ده افغانستان خاتین قیزلریدن بیرقطاری، قطر پایتختی دوحه ده اسلام امیرلیگی نمایندهلری، اسلامی کنفرانس تشکیلات رهبریتی و اسلامی ترقیات بانک نمایندهلری بیلن اوچرهشگن.
بیزلرنینگ توییترده هم تعقیب قیلینگ!
افغانستان اوچون آلمان ایلچیخانهسی اوز توییتری ده، مذکور هیات سفرینی خوش قرشیلب، سیاسی کیلیشوو اوچون ایجابی بهالهگن.