اسلامی همکارلیکلر تشکیلاتی یا-ده OIC، اسلام امیرلیگی تامانیدن عیاللر تحصیلی و ایشی خصوصیده آلینگن قرار‌لر گه عکسالعمل کورستیب، بوگون سعودی عربستان نینگ جده شهری‌ده افغانستان ده عیاللر وضعیتی نی تیکشیریش اوچون شاشیلینچ بیر ییغین نی یولگه قوییگن.
شونینگدیک بوندن آلدین هم، اسلامی همکارلیکلر تشکیلاتی اسلام امیرلیگی تامانیدن عیاللر گه تحصیل و ایش حقی بیریلمه‌گنی نی اسلامی مقصد‌لر گه ضد دیگن ایدی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بیلیم یورت اوقیتووچیسی محبوب محق نینگ ایتیشیچه، مذکور تشکیلات پزیتسیه‌سی نینگ اسلامی بولگنی طفیلی، اسلام همکارلیکلر تشکیلاتی نینگ شاشیلینچ ییغینی اسلام امیرلیگی سونگی قراری نینگ قیته کوریلیشی گه سبب بوله‌دی.
اونینگ سلام‌وطندار گه ایتیشیچه: «اسلام امیرلیگی عیاللر نینگ ایشی و تعلیمی خصوصیده ایجابی بیر امید کورستگنی و شونینگدیک اسلام امیرلیگی نینگ سونگی قرار‌لری نی دینی اعلام قیلگنیدن کیین، اوشبو ییغین مذکور ممنوعیت‌لر نی برطرف قیلیش خصوصیده فایده‌لی بولیشی ممکن.»
باشقه بیر تاماندن، خلقارا رابطه‌لر بیلرمانی حبیب‌الله جعفری نینگ ایتیشیچه، اسلامی همکارلیکلر تشکیلاتی نینگ بوگون یولگه قوییگن ییغینی، عیاللر تحصیلی و ایشی خصوصیده اسلام امیرلیگی نینگ آلگن قراری‌دن قیتیش گه مجبور قیله‌دی.
بیزلرنینگ توییترده هم تعقیب قیلینگ!
عین حالده، بیلیم یورت اوقیتووچیسی محمد‌حسن فقیری نینگ ایتیشیچه، اسلامی همکارلیکلر تشکیلاتی‌ده نادرست اعضالر نینگ موجود‌لیگی سبب، تشکیلات‌لر تامانیدن اسلام امیرلیگی نینگ سونگی قراری‌ده اوزگریشلر ایجاد بولیشی ممکن.
ایتیش کیره‌ک که، اسلام امیرلیگی تامانیدن عیاللر تحصیلی و ایشی توخته‌تیلیشی، کوپینچه عکس‌العمل‌لر بیلن روپه‌ره بولگن که، اسلامی بیر نهاد صفتیده اسلامی همکارلیکلر تشکیلاتی نینگ شاشیلینچ ییغینی، اسلام امیرلیگی نینگ قراری برابریده اینگ جدی بیر عکسالعمل دیر.
