اوتگن کون سعودی عربستان اسلامی همکارلیکلر تشکیلاتی دن افغانستان جاری وضعیتی، بو مملکتده انسانی یاردملر و شونینگدیک باشقه قطار موضوعلرنی تیکشیریش اوچون عاجل ییغین یولگه قوییشی نی سورهگن ایدی. پاکستان هم مذکور ییغیندن میزبانلیک قیلیش اوچون اوز تیارگرلیگی نی اعلام قیلگن.
سیاسی ایش بیلرمانلردن قطاری بو ییغین یولگه قوییلیشی نی افغانستان نینگ فایدهسیگه دیگن.
سیاسی ایش بیلرمانلردن بیری محمدحسن حقیار نینگ ایتیشیچه، مذکور ییغینده اسلامی امارت مسئوللری همهشمول حکومت ایجاد ایتیش گه اوخشهگن قطار مملکتلرنینگ ایستهکلرینی قبول قیلیش اوچون قانیقتیریلیشی کیرهک.
خلقارا علاقهلر ایش بیلرمانی محبالله شریفی نینگ ایشانچی گه کوره، اسلامی مملکتلر آلدین دن افغانستان برابریده اوز مسئولیتلرینی انجام بیریشلری کیرهک.
جناب شریف گه کوره، سعودی عربستان صلاحیت و دینی اختیاراتلریدن خلیج مملکتلری بیلن رقابت قیلیش اوچون فایدهلنمهگن صورتده، بو ییغین افغانستان نینگ فایدهسیگه تمام بولهدی.
بیزلرنینگ فیسبوک صحیفهمیزگه باش اورینگ!
اوشبو ایش بیلرمان نینگ کوپهیتیریشیچه، پاکستان خلیج مملکتلری بیلن رقابت قیلیش اوچون اسلامی همکارلیکلر تشکیلاتی نینگ ییغینیدن میزبانلیک قیلیش گه اوز تیارگرلیگی نی بیلدیرگن، چونکه پاکستان کوپ ییغینلرده قطر بیلن همکارلیک قیلگن و حاضر هم سعودی عربستان بوندن کیین افغانستان موضوعلریگه همکارلیک قیلیش اوچون پاکستان دن یاردم سورهگنی نینگ احتمالی بار. اونگه کوره، بوندهی بولگن صورتده اوشبو ییغین افغانستان اوچون ایجابی نتیجه بیرمهیشی ممکن.
شوندهی بیرحالده، اسلامی امارت افغانستان خصوصیده اسلامی همکارلیکلر تشکیلاتی ییغینی یولگه قوییلیشی نی خوش قرشیلگن.
اسلامی امارت سوزلاوچیسی نینگ اورینباسری احمدالله وثیق نینگ ایتیشیچه، سعودی عربستان اسلامی همکارلیکلر تشکیلاتی دن افغانستان خصوصیده عاجل ییغین یولگه قوییلشی توغریسیدگی ایستهگیدن حمایت قیلهدیلر و بو ییغین افغانستان قیینچلیکلری نینگ حل قیلیشی اوچون امیدوارلر.
حاضر افغانستان قیینچلیکلری نینگ حل ایتیلیشی اوچون قطر پایتختی دوحهده آمریکا هیأتی و اسلامی امارت آرهسیده سوزلشوولرنی دوامی بار و بو سوزلشوولرنینگ تفصیلاتی حاضرگچه اعلام ایتیلمهگن.