ساغلیق‌نی سقلش وزیرلیگی مسئوللری نینگ ایتیشلریچه، افغانستان ده هر ییل اورته‌چه ۲۵ مینگ کیشی، تورلی‌خیل کسللیکلر گه چلینیش و زیان کوریش سبب، بیر کوزی نی قولدن بیره‌دی.
اولر اوشبو معلومات‌لر نینگ بوگون (شنبه، ۲۲-میزان/۱۴-اکتبر)، مذکور وزیرلیک‌‌ده «خلق‌ارا کوریش کونی» مناسبتی بیلن یولگه قوییلگن ییغین‌ده، ارائه قیلگنلر.
بیزلرنینگ «ایکس» ترماغی ده هم تعقیب قیلینگ!
مذکور ییغین‌ده ساغلیق‌نی سقلش وزیرلیگی نینگ خذمت‌لر ارئه قیلووچی معینی حبیب‌الله آخوندزاده حمید نینگ ایتیشیچه، بیر کوزی نی قولدن بیره‌دیگنلردن ۸۰ فایزی، درمان قیلیش بیلن قیته کوریشلری ممکن. اونینگ کوپهیتیریشیچه: «تورلی سبب‌لر و تورلی‌خیل کسللیکلر طفیلی ۲۵ مینگ کیشی بیر کوزی نی قولدن بیره‌دی و اولردن ۸۰ فایزی نینگ درمان‌لنیشی ممکن. کوز نینگ پرده‌سی، A ویتامینی کم‌لیگی، طبیعی حادثه‌لر و شفاکار گه وقتی‌ده بارمه‌سلیک، مذکور کسل‌لیک عامل‌لریدن دیر.»
ساغلیق‌نی سقلش وزیرلیگی مسئوللری نینگ کوپهیتیریشیچه، ییل نینگ باشلنگنی‌دن حاضرگچه، ۳۰ مینگ‌دن آرتیق کوز بولیمی کسلی میدان‌وردک، ارزگان، بدخشان، پکتیکا، کنر، غور و خوست دولتی کسل‌خانه‌لریده درمان بولگن دیر.
شونده‌ی بیرحالده، کابل شهری‌ده «نور» تخصصی و ملی کسلخانه رئیسی ظاهرگل زدران، افغانستان ده کوز نینگ درمانی بولیمی‌ده ملکه‌لی ایشلاوچی کم‌لیگی‌دن شکایت قیلیب، ساغلیق‌نی سقلش وزیرلیگی‌دن ولایتی کسل‌خانه‌لرده کوز شفاکارلر بستی نینگ کوپه‌یشی نی ایسته‌گن. اونینگ کوپهیتیریشیچه: «افغانستان ده ریفریکش و همشیره‌لیک‌ده، تعلیم‌لری نی کورگن ایمسلر و بو بولیم ده استاد‌لر بو کم‌لیک‌لر نینگ تولدیریلیشی اوچون بیرجا بولیش‌لری کیره‌ک و حاضرگچه تورلی بولیم‌لرده همشره‌لیک ترینریمیز یوق و بولگنی‌ده هم باشقه مملکت‌لردن کیلگن.»
عین حالده، زیان کوریش سبب بیر کوزی نینگ قولدن بیرگن و همکارلیک سوره‌ش اوچون ساغلیق‌نی سقلش وزیرلیگی گه بارگن لغمان یشاوچیسی بولمیش ۱۵ یاشر وفی‌الله نینگ ایتیشیچه: «کیچیک ایدیک و تفنگچه بیلن اوینه‌یدیگنیم پیتده، بیر کوزیم زیان کوردی. بیرینچی مرته نور کسل‌خانه‌سیده عملیات بولدیم؛ بیراق بو ییرده امکانیتی یوق ایدی و پاکستان کیتدیم درمان‌لندیم؛ لیکن بولمه‌دی و درمان اوچون یاردم بیریلیش خصوصیده ساغلیق‌نی سقلش وزیرلیگی گه کیلدیم.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ساغلیق‌نی سقلش وزیرلیگی‌ده کوز سلامتلیگی نی سقلش و ملی هماهنگ‌لیک آمری و کوز شفاکاری آغا‌محمد عابد طوطاخیل نینگ ایتیشیچه، کیکسه‌لیک، سگرت چکیش، اضافه وزن، فشار نینگ یوقاریلیگی و کوز نینگ مکروبلنیشی، کوزدن عاجز بولیش گه سبب بوله‌دیگن اصلی عامل‌لردن دیر. اونینگ کوپهیتیریشیچه: «یشاوچیلر اوز باشیمچه‌لیک شکلده دارو قوللنمه‌سلیکلری کیره‌ک و توغیلیش چاغیده کورماق قیین‌چیلیکلر گه چلینگن چقه‌لاق‌لر نینگ تیزلیککه کسلخانه گه آلیب باریشلری کیره‌ک که درمان بولیشی ممکن.»
ساغلیق‌نی سقلش وزیرلیگی نینگ آماری اساسیده، حاضرگچه افغانستان یشاوچیلریدن ۶۰۰مینگ‌دن آرتیغی، کوزدن عاجز دیر و بیر میلیون ۵۰۰ مینگ ته‌سی ایسه آز کوریش‌دن اذیت چیکه‌دی.
