غزنی یشاوچیلریدن قطاری نینگ ایتیشلریچه، اوشبو ولایت کلینیکلریدن قطاریده عیال شفاکارلر و ساغلیق ایشلاوچیلر کملیگی سبب، عیاللر ساغلیق خذمتلردن فایدهلنه آلمهیدیلر.
غزنی نینگ عیدگاه مسجدی یقینیده جایلشگن «شمسالعارفین» کلینیکی گه مراجعت قیلگن ناهیده نینگ ایتیشیچه، اوشبو کلینیکده عیال شفاکارلر کملیگی سبب، عیاللر نیازلری بولگن ساغلیق خذمتلردن فایدهلنه آلمهیدیلر. اونینگ کوپهیتیریشیچه: «غزنیده کوپینچه کلینیکلر و کسلخانهلر نینگ فعالیتی بار؛ بیراق کسلخانه ایشلاوچیلریدن کوپ قطاری نینگ ایرککلر تشکیل بیرگنی سبب، عیاللر قیینچیلیک بیلن روپهره بولگنی پیتده، راحت بیر شکلده اوشبو کسلخانهلر گه مراجعت قیله آلمهیدلر.»
بیزلرنینگ فیسبوک صحیفهمیزگه باش اورینگ!
عیدگاه مسجدی یقینیدهگی منطقه یشاوچیسی داوود نینگ ایتیشیچه، اوشبو کلینیک و غزنی دهگی باشقه درمانی مرکزلرده عیال شفاکارلر کملیگی یانیده، شونینگدیک دارو کملیگی هم جدی قیینچیلیکلردن دیر. او، ساغلیق نی سقلش وزیرلیگی مسئوللریدن اوشبو قیینچیلیکلر نینگ حل قیلیشنی ایستهیدیلر. «اوشبو کلینیککه مراجعت قیلگنیم ده کلینیک امکانیتلری آز ایدی. مراجعت قیلگنیم پیتده، دارو بیرمهیدیلر. دارو نینگ بازاردن آلیش گه مجبورمیز.»
غزنی مدنی فعاللری نینگ ایتیشلریچه، اوشبو ولایتده درمانی مرکزلردن قطاریده ساغلیق نی سقلش ایشلاوچیلری و عیال شفاکارلر یوقلیگی، عیاللر نینگ طبی خذمتلردن فایدهلنه آلمهی سنتی شفاکارلیککه یوز کیلتیریشلری گه سبب بولگن. بو توغریده مدنی فعال علی صمدی نینگ ایتیشیچه: «کسلخانهلر، کلینیکلر و توغروقخانهلرده عیال شفاکارلر کملیگی، غزنی شهریده حاضرگچه جدی قیینچیلیکلردن حسابلنهدی.»
غزنی ساغلیق نی سقلش ریاستی مسئوللری نینگ ایتیشلریچه، شمسالعارفین کلینیکی اوشبو ریاستی نظارتی آستیده ایمس؛ بلکیم غزنیده افغان قیزیل آی جمعیتی ریاستی آستیده، اوشبو ولایتده فعالیت قیلهدی.
غزنی ده افغان قیزیل آی جمعیتی ریاستی نینگ عامه مناسبتلر و نشرات مدیری شهاب سروری، شمسالعارفین کلینیکی ده عیال شفاکارلر و ساغلیق نی سقلش ایشلاوچیلری نینگ یوقلیگی نی رد قیلیب سلاموطندار گه ایتیشیچه، اوشبو ولایتده مذکور کلینیک شامل ۱۱ کلینیک، اوشبو ریاست نظارتی آستیده فعالیت قیلهدی. اونگه کوره، مذکور کلینیکلردن کوپینچهسیده، عیال و ایرکک ایشلاوچیلری، طبی خذمتلر نی ارایه قیلهدیلر. «عیال شفاکار آزلیگیگه دایر شکایتلر یالغان دیر. اوشبو کلینیکده ایرکک شفاکار یانیده، عیال شفاکارلر هم بار.»
بیزلرنینگ توییترده هم تعقیب قیلینگ!
غزنی ده افغان قیزیل آی جمعیتی ریاستی نینگ عامه مناسبتلر و نشرات مدیری نینگ کوپهیتیریشیچه، شمسالعارفین کلینیکی ده، داخله، پولیو و کرونا واکسینی نی تطبیقی و تویب آوقاتلنمسلیککه چلینگن بالهلر کسللیکلری هر کون عیال و ایرکک ایشلاوچیلر تامانیدن درمانلنهدی.
ایتیش کیرهک که، شمسالعارفین کلینیکی، «سیاچسی» بیر کلینیک دیر، بو ییرده عیاللر و بالهلر گه علاوه باشقه کسللر هم دارو_دوالنهدی.