روضه شمالی ایشیگیده قول ساتووچیلیک قیله‌دیگن قریب ۴۰ عیال، اسلام امیرلیگی دن خاتین قیزلر گه ایش و تحصیل رخصتی بیریلیشینی سوره‌یدیلر. اولر بوندن آلدین نادولتی مؤسسه‌لرده ایشله‌یدیگن عیاللر گه ایشگه باریش رخصتی بیریلیشی اوستیگه تأکید ایته‌دیلر.
تخمیناً بیر ییل دن بویان مزارشریف شهری نینگ مندوی چوکی ده لیلامی ساته‌دیگن ۴۳ یاشلی ثریا، اسلام امیرلیگی دن نادولتی مؤسسه‌لرده ایشله‌یدیگن عیاللر او کبی قول ساتووچیلیککه یوز کیلتیرمسلیک اوچون، عیاللر نینگ ایشی توخته‌تیلیش قرارینی بیکار قیلیشینی طلب قیله‌دی.
اونگه کوره: «اسلام امیرلیگی دن قیز اوقووچیلر قابله، شفاکار بولیش‌لری اوچون اولر نینگ تعلیمی گه توسیق بولمسلیکلرینی ایسته‌یمیز. اسلام امیرلیگی دن مکتب‌لر و بیلیم یورت‌لر ایشیگینی آچیشینی سوره‌یمیز، اولر هم بیز کبی سوادسیز و قول ساتووچی بولمه‌سینلر.»
بیزلرنینگ فیسبوک صحیفه‌میزگه باش اورینگ!
شونینگدیک مزارشریف شهری ده قول ساتووچیلردن حمیده نینگ ایتیشیچه، اسلام امیرلیگی عیاللر گه ایش و تعلیم رخصتینی بیریشی کیره‌ک. اونینگ کوپه‌یتیریشیچه: «مکتب‌لر ایشیگی آچیلیشنی ایسته‌یمیز، بو ییرده‌گی عیاللر اوز ایشلری گه دوام بیریش اوچون تیگینمسلیکلرینی سوره‌یمیز، چونکه بعضی‌لری نینگ ایری یوق، اجاره اوی گه یشه‌یدیلر. »
عین‌حالده، مزارشریف شهری یشاوچیلریدن سمیه، بوندن آلدین نادولتی مؤسسه‌لردن بیری گه ایشلر ایدی ایتیشیچه، اسلام امیرلیگی تامانیدن مؤسسه‌لرده عیاللر ایشی توخته‌تیلیشیدن کیین، او و همکسب‌لری روحی قیینچیلیککه چلینگنلر.
سمیه گه کوره: «بو ایش جسمی، روحی و اقتصادی نقطه‌ی نظردن اوزیم شامل باشقه همکسب‌لریم و بوتونلی آلگنده جمعیت اوستیگه تأثیر قیله‌دی. عایلم نینگ خرجتینی مین تأمینله‌ی من.»
بلخ خصوصی بیلیم یورت‌لریدن بیری نینگ ایشلاوچیسی نگینه گه کوره، اسلام امیرلیگی نینگ اوشبو قراری جمعیت نینگ بویوک بیر قسمینی فلج قیلگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «عیاللر نینگ ایشی توخته‌تیلیش قراری، حقیقتن هم خواطرلی دیر؛ اینیقسه بیز کبی ییل‌لر بویلب یوقاری لوازم‌لر گه ایرشیش اوچون زحمت چیکیب و عایله‌سی نینگ خرجتینی تأمینلش نیتی بولگن عیاللر گه.»
ینگی‌لیکده، اسلام امیرلیگی، عیاللرنی ایچکی و خارجی نادولتی مؤسسه‌لرده ایشلری و قیز اوقووچیلر نینگ تعلیمینی توخته‌تگن. اسلام امیرلیگی نینگ اوشبو قراری ملی و خلق‌ارا مناسبت‌لر گه روپه بولسه ده، لیکن اسلام امیرلیگی اوز قرارینی بیکار قیلمه‌گن.
